Ұлттық біліктілік жүйесінің сараптамалық кеңесі 2026 жылға арналған жұмыс басымдықтарын айқындады
2026 жылғы 22 қаңтарда Астана қаласында Ұлттық біліктілік жүйесін (ҰБЖ) дамыту жөніндегі сараптамалық кеңестің отырысы өтті. Отырыста ҰБЖ-ны жетілдірудің басым бағыттары, оның ішінде әдіснамалық тәсілдерді жаңарту және біліктіліктерді реттеудің заманауи құралдарына көшу мәселелері талқыланды.
Айта кету қажет, тәуелсіз сарапшыларды, мемлекеттік органдардың өкілдерін, «Атамекен» ҰКП мен жұмыс берушілерді біріктіретін сараптамалық кеңес ҰБЖ-ны дамыту бойынша ұсыныстар әзірлеуді жүзеге асырады; ал оның қызметіне ұйымдастырушылық және талдамалық қолдауды «Еңбек ресурстарын дамыту орталығы» АҚ қамтамасыз етеді.
Күн тәртібінің негізгі тақырыбы сараптамалық кеңестің 2026 жылға арналған жұмыс жоспарының жобасын қарау болды. Құжатта заң жобаларын, әдістемелік және нормативтік құжаттарды қарау, сондай-ақ біліктіліктердің салыстырмалылығын арттыруға және кадрлар даярлауды экономиканың қажеттіліктерімен байланысты күшейтуге бағытталған шараларды қоса алғанда, ҰБЖ-ның ең өзекті мәселелері қамтылған.
Жеке блокта Ұлттық біліктілік шеңберін қолдану және тарифтік-біліктілік анықтамалықтар мен лауазымдардың біліктілік анықтамалықтарынан кәсіптік стандарттарға көшу жөніндегі әдістемелік ұсынымдар жобалары қаралды. Қатысушылардың пікірінше, бұл құзыреттерге қойылатын талаптарды өзектендіруге және оларды жұмыс берушілер мен білім беру жүйесі үшін анағұрлым түсінікті етуге мүмкіндік береді.
«ҰБЖ-ны дамытудың бірыңғай және келісілген тұжырымдамалық тәсілдерін қалыптастыру – кадрлар даярлау сапасын арттырудың және кәсіби дағдыларға қойылатын талаптардың ашықтығын қамтамасыз етудің қажетті шарты», – деп атап өтті отырысқа қатысушылар.
Отырыс еңбек нарығының қазіргі және перспективалық сұраныстарын, сондай-ақ технологиялық өзгерістерді ескере отырып, ҰБЖ-ны дамыту бойынша келісілген шешімдерді әзірлеудегі кезекті кезең болды.