ERG біліктіліктерді тану орталықтарының желісін кеңейтуде: Хромтауда кәсіптік біліктіліктерді тану жөніндегі жаңа орталық ашылды
2026 жылғы 13 қаңтарда Ақтөбе облысының Хромтау қаласында ERG компаниясының Кәсіптік біліктіліктерді тану орталығы (КБТО) аккредиттеуден сәтті өтті.
Орталықтың ашылуы Ұлттық біліктіліктер жүйесін дамытудың маңызды қадамы болып табылады және Тау-кен металлургия саласының кадрлық әлеуетінің сапасы мен бәсекеге қабілеттілігін арттыруға бағытталған. Айта кету керек, 2025 жылы ERG компаниялар тобы халықаралық стандарттар бойынша кәсіптік біліктіліктерді тану жөніндегі екі орталықты – Павлодар облысының Ақсу қаласында және Қостанай облысының Рудный қаласында ашқан болатын. Бұл жобалардың іске асырылуы ERG-нің Ұлттық біліктіліктер жүйесін дамытуға және елдің өнеркәсіптік секторы үшін бәсекеге қабілетті кадрлар даярлауға жүйелі түрде қарайтынын растайды.
Хромтау қаласындағы КБТО белгіленген талаптар мен кәсіптік стандарттарға сәйкес біліктіліктерді объективті әрі сапалы бағалауды қамтамасыз ететін қажетті материалдық-техникалық базаға ие.
Орталық сұранысқа ие жұмысшы мамандықтары бойынша кәсіптік біліктіліктерді тәуелсіз бағалау және растау мүмкіндігін ұсынады:
- аргондық ортадағы қолмен доғалық пісіруші;
- автоматты және жартылай автоматты машиналардағы электропісіруші;
- электр газбен пісіруші;
- тау-кен үңгушісі;
- жарушы;
- тиеу-жеткізу машинасының машинисi.
Біліктілікті тану рәсімі мамандарға еңбек нарығының талаптары мен кәсіптік стандарттарға сәйкес өз дағдылары мен тәжірибесін ресми түрде растауға мүмкіндік береді.
Хромтауда орталықтың ашылуы қызметкерлер мен жұмыс іздеушілердің тұрғылықты жері бойынша біліктілікті тану рәсімдеріне қолжетімділігін кеңейтеді, уақыт пен қаржылық шығындарды азайтады, сондай-ақ жұмыспен қамтылу, мансаптық өсу және еңбек нарығындағы бәсекеге қабілеттілікті арттыру үшін қосымша мүмкіндіктер жасайды.
Жұмыс берушілер үшін КБТО персоналдың құзыреттерін объективті бағалаудың, өндірістік қауіпсіздікті арттырудың және орындалатын жұмыстардың сапасын жақсартудың тиімді құралына айналады.