Платформа туралы
Жұмыс іздеуді және персоналды іріктеуге жәрдемдесуді, жұмыспен қамту саласында электрондық және проактивті форматта қызметтер көрсетуді қамтамасыз ететін жұмыс іздеушілер мен жұмыс берушілер үшін жұмыспен қамтудың бірыңғай цифрлық платформасы болып табылатын, ақпараттандыру объектісі ретінде Қазақстан Республикасының әлеуметтік Кодексімен (2023 жылғы 20 сәуір) Электрондық еңбек биржасының (бұдан әрі - ЭЕБ) негізгі ережелері бекітілген.
Жұмыспен қамтудың цифрлық экожүйесі 6 платформаны қамтиды ( enbek.kz , skills.enbek.kz , business.enbek.kz , hr.enbek.kz , career.enbek.kz, migration.enbek.kz), олар әр азаматты мамандық таңдаудан бастап еңбек қатынастарын рәсімдеуіне дейін кәсіби жолмен алып жүреді.
"Кәсіптік біліктіліктер туралы" Қазақстан Республикасының Заңымен" (2023 жылғы 4 шілдедегі № 14-VІІІ Заңы) ЭЕБ жаңа элементі болып Ұлттық біліктілік жүйесінің (Сareer Enbek) цифрлық платформасы жатады, ол мыналарды қамтиды:
- ұлттық және салалық біліктілік шеңбері;
- ұлттық қызметтер жіктеуіші;
- бекітілген кәсіптік стандарттар;
- кәсіптер тізілімі;
- кәсіптік біліктілікті тану орталықтарының тізбесі;
- "Дербес деректер және оларды қорғау туралы" Қазақстан Республикасының Заңына сәйкес қалыптастырылған кәсіптік біліктілікті тану рәсімінен өткен жеке тұлғалар туралы деректер базасы;
- техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдары іске асыратын білім беру бағдарламаларының тізілімі;
- кәсіби біліктілікті тану туралы берілген және күші жойылған құжаттар тізілімі;
- Қазақстан Республикасының заңнамасына сәйкес өзге де ақпарат.
Career Enbek салалық мемлекеттік органдарға, қауымдастықтарға, кәсіптік стандарттарды әзірлеушілерге қызықты болады, өйткені онда ҰҚЖ бойынша құжаттардың барлық тізімі бар, ҰҚЖ құралдарын әзірлеуге арналған ыңғайлы шаблондар мен кәсіптік стандартты әзірлеуге арналған макеттер ұсынылады.
Career Enbek-те жұмыс беруші өз қызметкерінің кәсіби біліктілігін тану туралы құжаттардың түпнұсқалығын тексере алады, сондай-ақ кәсіптік стандартты жаңарту немесе өзгерту бойынша ұсыныстар жібере алады.
Жеке тұлғалар үшін Сareer Enbek платформасы мансаптық өсу мүмкіндіктері, кәсіптер мен біліктілік деңгейлеріне қойылатын негізгі талаптары туралы ақпаратты, сондай-ақ кәсіби біліктілікті тану орталықтары туралы ақпаратқа қол жеткізу және салалар, кәсіптік стандарт және кәсіптер бойынша жылдам іздеу қамтиды.
Тіркелген жұмыссыздар, Career Enbek арқылы, кейіннен жұмысқа орналасу немесе біліктілігін арттыру мақсатында кәсіби біліктілік пен дағдыларды тану рәсімінен өтуге электрондық ваучерлер алуға өтінім беруге мүмкіндігі бар.
Тапсырыс беруші: Қазақстан Республикасының Еңбек және халықты әлеуметтік қорғау министрлігі
Әзірлеуші: "Еңбек ресурстарын дамыту орталығы" АҚ
Қолдау қызметінің телефоны: +7 (7172) 95 43 17, вн. 405, 355
Email: careersupport@enbek.kz