Кәсіптік біліктілік жөніндегі ұлттық орган колледждердің педагогикалық қауымдастығына Career Enbek цифрлық платформасының қызмет етуі туралы хабардар ету мақсатында онлайн-кездесу өткізуде

Кәсіптік біліктілік жөніндегі ұлттық орган облыстардың және Астана, Алматы және Шымкент қалаларының техникалық және кәсіптік білім беру ұйымдарының (ТжКБ) басшыларымен, педагогтарымен, әдіскерлерімен онлайн-кездесулер сериясын бастады.

Онлайн-кездесудің негізгі мақсаты -ТжКБ ұйымдарының Сareer Enbek ҰБЖ цифрлық платформасының ерекшеліктері мен негізгі функциялары туралы хабардар болуын арттыру.

2024 жылғы 1 ақпанда Астана қаласының Білім басқармасының өкілдерімен, колледж басшылары мен педагогтары және ТжКБ оқу-әдістемелік бірлестіктерінің әдіскерлерімен алғашқы онлайн-кездесу өткізілді, оған 70-тен астам адам қатысты.

Кездесу барысында Сareer Enbek цифрлық платформасында ҰБЖ құжаттары мен процестері туралы қажетті ақпаратты қалай пайдалану және табу керектігі түсіндірілді, сондай-ақ колледж басшылары мен педагогтерінің қойылған сұрақтарына жауаптар берілді.

2024 жылдың ақпан айында барлық өңірлердің ТжКБ ұйымдарымен онлайн кездесулер жалғасатын болады.