Қазақстан мен Өзбекстан өкілдерінің ұлттық біліктілік жүйесін дамыту мәселелері бойынша кездесуі
2024 жылғы 5 қыркүйекте Кәсіптік біліктілік жөніндегі ұлттық орган (бұдан әрі – КБҰО) Өзбекстан Республикасы Президенті Әкімшілігінің, Білім Министрлігінің, Еңбек министрлігінің және Өзбекстан Еңбек институтының жобалық кеңсесінің өкілдерімен бірлескен кездесуге қатысты.
Кездесу барысында Қазақстанның Ұлттық біліктілік жүйесін дамыту мәселелері талқыланды. ҰБЖ әдіснамалық қолдау департаментінің директоры Сандуғаш Қонқаева ҰБЖ жұмысының негізгі бағыттары мен оның негізгі функцияларымен таныстырды.
ҰКЖ бас сарапшысы Асқар Боженов Қазақстан Республикасының Ұлттық біліктілік шеңберінің мазмұнын өзектендіру тәжірибесімен бөлісіп, ҰБШ-ны қайта қарау тәсілдері туралы айтты.
Кездесу қорытындысы бойынша тараптар екі елдің ұлттық біліктілік жүйелерін дамыту, осы саладағы ынтымақтастықты нығайту және тәжірибе алмасу бойынша одан әрі қадамдарды белгіледі.