9 қыркүйекте Еуропалық білім беру қоры өкілдерінің, жобаны басқару жөніндегі халықаралық сарапшылардың қатысуымен DARYA - Қазақстан ұлттық үйлестіру комитетінің отырысы өтті.
Кездесудің мақсаты - жобаны іске асыру нәтижелерін жинақтау, ағымдағы сын-қатерлерді анықтау, өңірлік диалогтың жай-күйіне шолу жасау, басымдықтарды талқылау.
Отырысқа Оқұ-ағарту министрлігі мен ведомстволық бағынысты ұйымдардың, Кәсіптік біліктілік жөніндегі ұлттық органның (бұдан әрі - ҚБҰО) өкілдері қатысты.
Өз сөзінде ҚБҰО басшысы Ерасыл Жұманбаев жоба Қазақстан мен Орталық Азия елдерінде кәсіптік біліктілік жүйесін дамыту жөніндегі жалпы жұмыстың маңызды құрамдас бөлігі болып табылатынын атап өтті. Сондай-ақ, негізгі жетістіктері мен стейкхолдерлердің жобаны іске асыруға атсалысуын атап өтті.
Кездесуге қатысушылар өңірлік диалог пен ынтымақтастықты басқару бойынша DARYA тетігін жетілдіру бойынша ұсыныстарымен бөлісті.
Кездесу барысында сондай-ақ жоба аясындағы тақырыптық бағыттар бойынша келесі қадамдарға арналған идеялар, ағымдағы жылғы қазанға жоспарланған Өңірлік үйлестіру комитеті отырысының ұйымдастыру аспектілері талқыланды.
