Мұнай-газ саласындағы кәсіптік стандарттарды жаңарту

2024 жылғы 02-13 қыркүйек аралығында «ҚазМұнайГаз» ҰК АҚ-та мұнай-газ саласының кәсіптік стандарттарын жаңарту жөніндегі жұмыстың шеңберінде «Мұнай мен газды барлау және өндіру» бағыты бойынша Жұмысшылардың жұмыстары мен кәсіптерінің Бірыңғай тарифтік-біліктілік анықтамалықтарын (БТБА), басшылар, мамандар және басқа да қызметшілер лауазымдарының біліктілік анықтамалығын (БА) жаңарту және үйлестіру бойынша жұмыс жалғастырылуда.

Жұмыс кездесулері мұнай-газ, мұнай өңдеу және мұнай-химия салаларының кәсіптік біліктіліктері жөніндегі салалық кеңесінің төрағасы – «KAZENERGY» қауымдастығының атқарушы директоры Л. Ж. Ахмурзинаның, ҚР Энергетика министрлігі мен «Еңбек ресурстарын дамыту орталығы» АҚ кәсіптік біліктілік жөніндегі ұлттық орган (КБҰО) өкілдерінің және ірі мұнай-газ компанияларының «Теңізшевройл» ЖШС, «Қарашығанақ Петролиум Оперейтинг Б.В.» ЖШС, «Норт Каспиан Оперейтинг Компани» ЖШС операторларының қатысуымен өткізіледі.

102 кәсіпті қамтитын 14 кәсіптік стандарт қарастырылуда. Жұмыс кездесулерін өткізудің мақсаты сала бойынша бірыңғай ұстанымды әзірлеу болып табылады. Жұмыс тобының жұмысы аяқталғаннан соң, қорытынды материалдар бұдан әрі Салалық кеңестің қарауына бекітуге жіберіле отырып, қорытынды алу үшін ҚР Энергетика министрлігіне, КБҰО-ға келісуге жіберілетін болады.