Кадрлар даярлау мен білім беру бағдарламаларын жетілдірудің заманауи тәсілдері талқыланды
«Еңбек ресурстарын дамыту орталығы» АҚ «Жоғары білімді дамыту ұлттық орталығы» ШЖҚ РМК-мен бірлесіп, жоғары және (немесе) жоғары оқу орнынан кейінгі білім беру ұйымдарының өкілдеріне арналған Ұлттық біліктілік жүйесін дамыту мен жетілдіруге бағытталған оқу семинарын өткізді.
Іс-шара ағымдағы жылдың 17 сәуірінде онлайн-форматта өтті, оған 300-ден астам қатысушы қатысты. Семинар барысында кәсіптік стандарттарды әзірлеу, білім беру бағдарламаларын жобалау, кәсіптік біліктілікті тану, сондай-ақ тамақ өнеркәсібі үшін кадрлар даярлаудың өзекті мәселелері қаралды.
Бағдарлама аясында ұйымдастырушылардың сөз сөйлеуінен басқа, спикерлер ретінде академиялық қауымдастық пен кәсіптік біліктілікті тану орталығының өкілдері шақырылды.
Спикерлер ретінде С.С. Сейфуллин атындағы Қазақ агротехникалық зерттеу университетінің профессоры, білім беру бағдарламалары тобының жетекшісі Какимов Мұхтарбек Мұхан және Астана қаласындағы Кәсіптік біліктілікті тану орталығының жетекшісі Әуезханова Жұлдыз Әубәкірқызы сөз сөйледі.
Семинарға қатысушылар ұсынылған тәсілдер мен сарапшылық шешімдердің практикалық маңыздылығын атап өтіп, олардың жоғары білім жүйесі мен еңбек нарығы арасындағы өзара әрекеттестікті нығайтудағы, сондай-ақ экономиканың басым салалары үшін кадрлар даярлау сапасын арттырудағы рөлін атап көрсетті.