2026 жылғы 23–24 маусым күндері «Еңбек ресурстарын дамыту орталығы» АҚ-ның (бұдан әрі – ЕРДО) базасында Әзербайжан Республикасының Еңбек және халықты әлеуметтік қорғау министрлігі жанындағы Мемлекеттік жұмыспен қамту агенттігінің (APEA) делегациясымен кездесу өтті. Делегацияны APEA Басқарма төрағасы Хасил Аббасов бастап келді.
Екі күн бойы тараптар жұмыспен қамту, еңбек нарығын дамыту және цифрландыру салаларындағы тәжірибелерімен алмасты. Қазақстандық мамандар Ұлттық біліктілік жүйесін, кәсіптік біліктіліктерді тану тәртібін, Career Enbek және Skills Enbek цифрлық платформаларын, Дағдылардың цифрлық банкін, сондай-ақ еңбек ресурстарын болжау тәсілдері мен көші-қон процестерін мониторингілеуге арналған Migration Enbek жүйесін таныстырды.
Сондай-ақ қонақтар «Joltap» орталығы мен Astana Polytechnic колледжінде болып, кадрларды даярлаудың заманауи тәсілдерімен және жұмыс берушілермен өзара іс-қимыл тәжірибесімен танысты.
«Біз жұмыспен қамту және цифрландыру саласындағы қазақстандық тәжірибемен танысу мүмкіндігін жоғары бағалаймыз. Ұсынылған шешімдер мен тәжірибелер біздің жұмысымызды одан әрі дамыту үшін пайдалы болады. Қазақстандық әріптестерімізге жылы қабылдауы, ашық тәжірибе алмасуы және ынтымақтастыққа дайын болғаны үшін алғысымызды білдіреміз. Біздің өзара іс-қимылымыз Әзербайжанда да жалғасатынына сенімдімін», – деп атап өтті Әзербайжан Республикасының Мемлекеттік жұмыспен қамту агенттігінің Басқарма төрағасы Хасил Аббасов.