• Жаңалықтар
  • Алматы қаласында білім беру бағдарламаларының сапасы және ол...

Алматы қаласында білім беру бағдарламаларының сапасы және олардың еңбек нарығы талаптарына сәйкестігі талқыланды

2026 жылғы 12 қараша
Алматы қаласында білім беру бағдарламаларының сапасы және олардың еңбек нарығы талаптарына сәйкестігі талқыланды

2026 жылғы 11-12 қарашада Алматы қаласында білім беру бағдарламаларының сапасын арттыруға, олардың еңбек нарығы талаптарына сәйкестігіне және біліктіліктерді тану тетіктерін дамытуға арналған халықаралық семинар өтті.

 

Іс-шара Қазақстан Республикасының Ғылым және жоғары білім министрлігі мен Еуропалық білім беру және мәдениет жөніндегі атқарушы агенттігінің (EACEA) қолдауымен Қазақстандағы Erasmus+ ұлттық офисі және Жоғары білім беруді реформалау жөніндегі ұлттық сарапшылар тобы (HERE) ұйымдастырған Техникалық көмек көрсету миссиясы (TAM) шеңберінде Абай атындағы Қазақ ұлттық педагогикалық университетінің базасында өткізілді.

 

Семинарға мемлекеттік органдардың, жоғары оқу орындарының, жұмыс берушілердің, аккредиттеу агенттіктерінің өкілдері, сондай-ақ қазақстандық және халықаралық сарапшылар қатысты.

 

«Еңбек ресурстарын дамыту орталығы» АҚ (бұдан әрі - ЕРДО) кадрлар даярлау жүйесінде еңбек нарығы мен білім беру жүйесін интеграциялау тәсілдерін таныстырды.

 

Семинардың бірінші күні ЕРДОның Әдіснамалық қолдауды талдау және дамыту департаменті директорының орынбасары Алуа Талғарқызы «Кадрлар даярлау жүйесінде еңбек нарығы мен білім беру саласын интеграциялау» тақырыбында баяндама жасады.

 

Баяндама барысында жұмыспен қамтудың өзекті үрдістері, мемлекеттік білім беру тапсырысы мен экономиканың кадрларға болжамды қажеттілігі арасындағы теңгерімсіздік, сондай-ақ жасанды интеллекттің кәсіптер мен сұранысқа ие дағдылардың өзгеруіне әсері туралы ақпарат ұсынылды.

 

Ұлттық біліктілік жүйесін дамытуға, кәсіптік стандарттарды өзектендіруге және жұмыс берушілер талаптарының білім беру бағдарламаларының мазмұнымен өзара байланысын қамтамасыз ету үшін Career Enbek цифрлық платформасын қолдануға ерекше назар аударылды.

 

Семинардың екінші күні микробіліктіліктерді тану мәселелеріне арналған сессия аясында ЕРДО өкілі Қазақстанда оларды енгізу мен танудың бірыңғай тәсілдерін қалыптастыру бағытында жүргізіліп жатқан жұмыстар туралы баяндады. Атап айтқанда, ведомствоаралық жұмыс тобының құрылуы, мүдделі тараптар арасында сауалнама жүргізілуі және «микробіліктілік» ұғымына қатысты ортақ түсінікті қалыптастыру жұмыстары атап өтілді.

 

Қатысушылар сондай-ақ микробіліктіліктер сапасын қамтамасыз етудің, оқу нәтижелерін растаудың халықаралық тәжірибесін және оларды жинақтау мен білім беру ұйымдары арасында тасымалдау мүмкіндіктерін талқылады.

 

Семинар қорытындысы бойынша жоғары оқу орындары мен жұмыс берушілер арасындағы өзара іс-қимылды нығайту, кәсіптік стандарттар негізінде білім беру бағдарламаларын жетілдіру және біліктіліктерді тану тетіктерін дамыту қажеттігі атап өтілді.

 

Аталған шаралар мамандарды даярлау сапасын арттыруға және олардың құзыреттерінің экономиканың қазіргі заманғы қажеттіліктеріне сәйкестігін қамтамасыз етуге бағытталған.

Профстандарты