Қазақстанның DARYA ұлттық үйлестіру кеңесінің отырысына қатысуы
2025 жылғы 19 маусымда DARYA жобасының ұлттық үйлестіру кеңесінің отырысы өтті, іс-шараға «Еңбек ресурстарын дамыту орталығы» АҚ, Қазақстандағы Еуропалық Одақ делегациясы және Еуропалық білім беру қоры (ЕББҚ) сияқты негізгі әріптестік ұйымдардың өкілдері қатысты.
Қазақстан атынан «Еңбек ресурстарын дамыту орталығы» АҚ президенті Ақмади Әділұлы Сарбасов құттықтау сөз сөйледі. Өз сөзінде ол DARYA жобасының дағдыларға қажеттілікті болжауға, Ұлттық біліктілік жүйесін дамытуға және Орталық Азия елдерінде оқытудың икемді нысандарын ілгерілетуге заманауи тәсілдерді енгізу үшін стратегиялық маңыздылығын атап өтті. Ұлттық үйлестіру кеңесінің құрамын кеңейтуге және жаңартуға ерекше назар аударылды, оның құрамына кәсіптік біліктілік жөніндегі салалық кеңестердің төрағалары және кадрларды даярлау жүйесінің басқа да негізгі өкілдері кірді.
Еуропалық тараптан отырысқа: Эва Йоанна Зуковска, Қазақстандағы ЕО делегациясының ынтымақтастық бөлімінің өкілі; Кристин Хемшемейер, ЕФО аға сарапшысы және Қазақстандағы жоба үйлестірушісі; Кахабер Эрадзе, DARYA Жобасын басқару жөніндегі халықаралық сарапшы, сондай-ақ басқа да халықаралық мамандар қатысты.
Отырыс барысында Қазақстанда жобаны іске асырудың ағымдағы кезеңінің қорытындылары шығарылды, біліктілік пен дағдыларды дамыту саласындағы негізгі жетістіктер талқыланды, сондай-ақ өңірлік ынтымақтастықты кеңейту және озық тәжірибелермен алмасу бойынша одан әрі қадамдар айқындалды.
DARYA жобасы Орталық Азия елдерінде адами капиталды дамыту саласында тәжірибе, әдіснамалар мен құралдармен алмасу үшін маңызды платформа ретінде әрекет етуді жалғастыруда.