Қазақстанда жаңартылған Ұлттық біліктілік шеңбері аясында алғаш рет практикалық тәжірибе ұлттық деңгейде танылады
2025 жылы сарапшылар қауымдастығымен бірлесіп, Еуропалық біліктілік шеңберінің қағидаттарына және заманауи экономиканың талаптарына негізделген Ұлттық біліктілік шеңберінің (ҰБШ) жаңа редакциясы дайындалды және бекітілді.
Бұрынғы нұсқа негізінен формалды білім беру деңгейлеріне сүйеніп, өзге оқыту түрлерін қамтымаған болатын. Жаңартылған ҰБШ орындаудың күрделілігіне, жауапкершілік деңгейіне және ғылымды қажетсінуіне қарай сатыланған сегіз дәйекті деңгейді қамтиды. Ол тек формалды білім беруді ғана емес, сонымен қатар формалды емес және информалды оқытудың нәтижелерін, сондай-ақ практикалық тәжірибені де ескереді.
Қазақстанда алғаш рет ұлттық деңгейде практикалық тәжірибе мен формалды білім беру бағдарламаларынан тыс алынған біліктіліктер ресми түрде танылады. Енді құзыреттерді растау тек диплом арқылы ғана емес, сонымен қатар еңбек тәжірибесі, қысқа мерзімді курстар және тәжірибе барысында игерілген дағдылар арқылы да мүмкін болады.
ҰБШ-ны өзектендіру икемді біліктілік жүйесін құруға, «өмір бойы оқу» қағидатын қолдауға, кадрларды экономиканың нақты қажеттіліктеріне сәйкес даярлауға және біліктіліктердің халықаралық деңгейде салыстырмалылығын қамтамасыз етуге мүмкіндік береді.
Жаңа ҰБШ Кәсіптік біліктілік жөніндегі ұлттық кеңес отырысының
2025 жылғы 25 тамыздағы №1 хаттамасына сәйкес бекітілді.