24 қыркүйекте Ұлттық біліктілік жүйесін дамыту жөніндегі Сараптамалық кеңестің кезекті отырысы өтті. Отырыста салалық кеңестердің қызметін жетілдіру және біліктілік бағдарламаларын әзірлеу тәсілдерін дамыту мәселелері талқыланды.
Сараптамалық кеңес Ұлттық біліктілік жүйесін дамыту жөніндегі бастамаларды талқылау және ұсыныстар әзірлеу мақсатында тәуелсіз сарапшыларды, мемлекеттік органдардың және жұмыс берушілердің өкілдерін біріктіреді.
Бірінші мәселе ретінде кәсіптік біліктіліктер жөніндегі салалық кеңестер қызметін ұйымдастыру жөніндегі нұсқаулықтың жобасы қарастырылды.
Оны әзірлеу жөніндегі бастама ағымдағы жылдың ақпан айында Еуропалық білім беру қорының қолдауымен халықаралық сарапшылардың қатысуымен өткізілген семинар-тренинг қорытындысы бойынша қалыптасты.
Нұсқаулық салалық кеңестер үшін практикалық құрал болады. Ол олардың қызметін ұйымдастырудың бірыңғай тәсілдерін белгілеуге бағытталған және белгіленген нормаларды қолдану, негізгі процестерді ұйымдастыру, сондай-ақ Ұлттық біліктілік жүйесіне қатысушылармен тиімді өзара іс-қимылды қамтамасыз ету жөніндегі ұсынымдарды қамтиды.
Екінші мәселе ретінде кәсіптік біліктіліктерді тану кезінде қолданылатын біліктілік бағдарламасының жаңа нысаны қарастырылды.
Отырысқа қатысушылар біліктілік бағдарламаларын кейіннен Career Enbek платформасында цифрлық форматта жүргізуді ескере отырып, оның құрылымы мен мазмұнын қарастырды.
Жаңа тәсіл біліктілік бағдарламаларын әзірлеуді біріздендіруге, оларды жүйенің басқа да құралдарымен өзара байланыстыруға және кәсіптік біліктіліктерді тану процесінде тікелей пайдалануға мүмкіндік береді.
Отырыс қорытындысы бойынша қатысушылар өз ұсыныстары мен ұсынымдарын білдірді. Талқылау нәтижесінде айтылған ұсыныстарды ескере отырып, қаралған құжаттарға тиісті толықтырулар мен өзгерістер енгізілетін болады.
