2026 жылғы 17 қыркүйекте «Еңбек ресурстарын дамыту орталығы» АҚ-да Қазақстан Республикасы бойынша Еуропалық білім беру қорының (ЕБҚ) бас менеджері Кристин Хемшмайермен кездесу өтті.
Кездесу барысында Еуропалық Одақтың қолдауымен іске асырылып жатқан DARYA өңірлік жобасы шеңберіндегі одан әрі ынтымақтастық мәселелері талқыланды. Талқылау еңбек нарығындағы дағдыларға қажеттіліктерді зерделеуге және болжауға ерекше назар аудара отырып жүргізілді.
Негізгі мәселелердің бірі Қазақстан, Қырғызстан және Түрікменстанның қатысуымен дағдыларға қажеттіліктерді айқындау бойынша мемлекетаралық зерттеу жүргізу болды. Зерттеуді ағымдағы жылдың соңына дейін бастау жоспарлануда. Зерттеу барысында сандық және сапалық әдістер, оның ішінде фокус-топтар әдісі қолданылатын болады.
Сондай-ақ цифрландыру, көлік және логистика, «жасыл» технологиялар бағыттары бойынша бірқатар салалық оқу-танымдық сапарларды өткізу, сондай-ақ жоғары деңгейдегі делегацияның Ашхабадқа алдағы сапары, оның күн тәртібі және қазақстандық тараптың қатысуы мәселелері талқыланды. Бұдан бөлек, Қазақстан мен Тәжікстан үшін энергетика секторындағы дағдыларға қажеттіліктерді болжаудың жаңа әдістемесінің жобасы таныстырылды.
«Біз үшін DARYA жобасы шеңберіндегі ынтымақтастықтың нақты практикалық нәтижелерге бағытталуы маңызды. Бірлескен зерттеулер жүргізу және тәжірибе алмасу еңбек нарығындағы дағдыларға қажеттіліктерді неғұрлым дәл айқындауға және алынған нәтижелерді Ұлттық біліктілік жүйесін дамыту барысында пайдалануға мүмкіндік береді», - деді «Еңбек ресурстарын дамыту орталығы» АҚ басқарушы директоры Ернат Жүнісов.
Кездесу қорытындысы бойынша тараптар белгіленген бағыттар бойынша бірлескен жұмысты жалғастыруға уағдаласты.
