«24KZ» арнасына берген сұхбатында «Еңбек ресурстарын дамыту орталығы» АҚ басқарушы директоры Ернат Жүнісов Ұлттық біліктілік жүйесінің еңбек нарығындағы маңызы туралы айтып берді.
2023 жылы арнайы заң қабылданып, Ұлттық біліктілік жүйесін дамыту жұмыстары қолға алынды. Оның негізгі мақсаты – еңбек нарығына қандай мамандар қажет екенін, олар қандай дағдылар мен құзыреттерді меңгеруі керектігін анықтап, алған біліктілікті растау тетіктерін қалыптастыру.
Бүгінде жаңа технологиялар мен жасанды интеллекттің дамуына байланысты кәсіптердің мазмұны өзгеріп, мамандарға қойылатын талаптар да жаңаруда. Осыған байланысты кәсіптік стандарттарды өзектендіру, цифрлық және ЖИ-дағдыларды енгізу маңызды бағыттардың біріне айналып отыр.
