«Еңбек ресурстарын дамыту орталығы» АҚ (бұдан әрі – ЕРДО) Ұлттық біліктілік жүйелерін дамыту саласындағы Түркияның Кәсіптік біліктілік агенттігімен (Mesleki Yeterlilik Kurumu, бұдан әрі – MYK) ынтымақтастықты жалғастыруда.
2026 жылғы 4 қыркүйекте ЕРДО мамандары түрік әріптестерге Career Enbek цифрлық платформасында жұмыс істейтін кәсіптік стандарттардың ЖИ-конфигураторын таныстырды.
Демонстрация барысында кәсіптік стандарттарды әзірлеу және құрылымдау кезінде жасанды интеллектті қолдану, жұмыстың жекелеген кезеңдерін автоматтандыру және кәсіптік стандарттың қажетті элементтерін қалыптастыруды қоса алғанда, құралдың негізгі мүмкіндіктері көрсетілді.
Сарапшылардың еңбек шығындарын азайту және кәсіптік стандарттарды әзірлеу тиімділігін арттыру мақсатында жасанды интеллектті практикалық қолдануға ерекше назар аударылды.
MYK өкілдері ЖИ-конфигуратордың функционалымен танысып, Қазақстанның Ұлттық біліктілік жүйесінің процестеріне заманауи цифрлық технологияларды енгізу тәсілдеріне қызығушылық танытты.
Кездесу қазақстандық және түрік тараптары арасындағы ынтымақтастықтың жалғасы болды. Ағымдағы жылдың сәуір айында MYK өкілдері ЕРДО-ға жұмыс сапарымен келіп, кездесу барысында Ұлттық біліктілік жүйесін және кәсіптік біліктілікті дамыту мәселелері бойынша тәжірибе алмасу өтті.
