Center for Labor Resources Development Presented KNAUF’s Experience and the Role of the Register of Professions at a Training Seminar

«Еңбек ресурстарын дамыту орталығы» АҚ онлайн форматта Ұлттық біліктілік жүйесіне қатысты мәселелерге арналған оқыту семинарын өткізді. Іс-шараға мемлекеттік органдардың, салалық кәсіби біліктіліктер жөніндегі кеңестердің, сондай-ақ білім беру ұйымдарының 100 шақты өкілі қатысты.

Семинар барысында KNAUF компаниясының (құрылыс материалдарын өндіретін халықаралық компания) білім беру жобалары, өңіраралық профильдерді әзірлеу бойынша халықаралық тәжірибе, сондай-ақ біліктіліктерді тану жүйесіндегі Кәсіптер тізілімінің институционалдық рөлі туралы ақпарат ұсынылды.

Атап айтқанда, KNAUF Academy Kazakhstan оқу орталығының жетекшісі Олег Анатольевич Сотников формалды емес оқыту аясында білім беру бағдарламаларын әзірлеу тәжірибесімен, сондай-ақ жұмыс берушілермен өзара іс-қимыл тетіктерімен бөлісті. Сонымен қатар, спикер семинар қатысушыларын Еуропалық Одақтың DARYA жобасы аясында құрылыс саласындағы өңіраралық профильдерді әзірлеуге қатысу тәжірибесімен таныстырды.

Сондай-ақ Біліктілік жүйелерін үйлестіру және тану департаментінің кәсіптік біліктіліктерді тану басқармасының басшысы Жұмабеков Алмас Өсербайұлы баяндама жасады. Ол Кәсіптер тізілімі кәсіптік біліктіліктерді ерікті және міндетті негізде танудың негізгі құралы болып табылатынын атап өтті.

Семинар қорытындысы бойынша қатысушылар ұсынылған тәжірибенің Қазақстандағы біліктілік жүйесін одан әрі дамытуда жоғары әлеуетке ие екенін атап өтті.