2026 жылғы 10 шілдеде Қазақстан Республикасы Энергетика министрлігінде жаңартылатын энергия көздері саласындағы кәсіптік біліктіліктер жөніндегі жаңа салалық кеңестің алғашқы отырысы өтті.
Іс-шараға мемлекеттік органдардың, салалық қауымдастықтардың, жетекші компаниялардың, оның ішінде Qazaq Green және ЦАТЭК Green Energy өкілдері, сондай-ақ бейінді жоғары оқу орындары мен колледждердің өкілдері қатысты.
Салалық кеңестің құрылуы Ұлттық біліктілік жүйесін одан әрі дамыту және жаңартылатын энергия көздері саласында кадрлық әлеуетін нығайту жолындағы маңызды қадам болды.
Алғашқы отырыс барысында салалық кеңес туралы ережені бекіту, төрағасын сайлау және оның 2026 жылға арналған негізгі жұмыс бағыттарын айқындау мәселелерін қамтитын ұйымдастырушылық мәселелер қаралды.
Салалық кеңестің төрағасы болып «Qazaq Green» ЖЭК қауымдастығы» ЗТБ Басқарма төрағасы Соспанова Айнұр Сапарбекқызы сайланды.
«Еңбек ресурстарын дамыту орталығы» АҚ Салалық біліктілік жүйелерін үйлестіру басқармасының басшысы А.И. Айбульдинова Ұлттық біліктілік жүйесінің қазіргі дамуы, салалық біліктілік шеңбері мен кәсіптік стандарттарды әзірлеу механизмі туралы ақпаратты ұсынды.
«Еңбек ресурстарын дамыту орталығы» АҚ Салалық біліктілік жүйелерін үйлестіру басқармасының басшысы А.И. Айбульдинова жаңадан құрылған салалық кеңес мүшелерін Ұлттық біліктілік жүйесінің жұмыс істеуінің негізгі қағидаттарымен, салалық кеңестердің қызметін ұйымдастыру тәртібімен, сондай-ақ салалық біліктілік шеңбері мен кәсіптік стандарттарды әзірлеудің негізгі тәсілдерімен таныстырды.
Жаңа салалық кеңес жұмыс берушілер мен білім беру жүйесінің қажеттіліктерін үйлестіруге, мамандарға қойылатын заманауи талаптарды қалыптастыруға және Қазақстанның жаңартылатын энергетика саласын тұрақты дамыту үшін білікті кадрлар даярлауға арналған тұрақты алаңға айналады.