Ұлттық біліктілік жүйесін дамыту: халықаралық тәжірибе және Қазақстанның басым бағыттары

   2026 жылғы 25–26 ақпанда Астана қаласында «Еңбек ресурстарын дамыту орталығы» АҚ бастамасымен және Еуропалық білім беру қорының қолдауымен халықаралық тәжірибені ескере отырып, Қазақстан Республикасының Ұлттық біліктілік жүйесін жетілдіруге және одан әрі дамытуға бағытталған оқыту семинары өтеді.

      Семинарға кәсіптік біліктілік жөніндегі салалық кеңестердің 60-тан астам төрағалары, мүшелері мен сарапшылары, мемлекеттік органдардың өкілдері және «Атамекен» ҚР ҰКП қатысады. Іс-шара барысында қатысушылар Қазақстандағы Ұлттық біліктілік жүйесінің ағымдағы жай-күйі мен оны дамытудың басым бағыттарын талқылап, ұлттық және халықаралық тәжірибемен, оның ішінде Латвия, Польша және Литва елдерінің үздік тәжірибелерімен алмасады.

     Іс-шара аясында салалық кеңестер қызметінің тиімділігін арттыруға, кәсіптік стандарттарды әзірлеу және өзектендіру жүйесін жетілдіруге, сондай-ақ біліктілік жүйесінің жұмыс берушілермен өзара іс-қимылын нығайтуға бағытталған практикалық ұсынымдар әзірлеу көзделіп отыр.

     Семинар мемлекет, бизнес және сараптамалық қоғамдастық арасында конструктивті диалог жүргізуге, үздік ұлттық және халықаралық тәжірибелермен алмасуға, сондай-ақ Қазақстандағы біліктілік жүйесін одан әрі дамытудың басым бағыттарын келісуге арналған кәсіби алаңға айналады.