Астанада Еуропалық білім беру қорының қолдауымен Ұлттық біліктілік жүйесін дамыту мәселелері бойынша оқыту семинары өтті
2026 жылғы 25-26 ақпанда «Еңбек ресурстарын дамыту орталығы» АҚ European Training Foundation (Еуропалық білім беру қоры) қолдауымен Қазақстан Республикасының Ұлттық біліктілік жүйесін дамыту мәселелері бойынша оқыту семинарын өткізді.
Іс-шара салалық біліктілік кеңестерінің, мемлекеттік органдардың және «Атамекен» Ұлттық кәсіпкерлер палатасының 60-тан астам өкілін біріктіріп, біліктілік жүйесін жаңғырту және кадрлар даярлау мәселелері бойынша мемлекет, бизнес және сарапшылар қауымдастығы арасындағы стратегиялық диалог алаңына айналды.
Семинар барысында Ұлттық біліктілік жүйесінің қазіргі жай-күйі мен даму басымдықтары, салалық кеңестердің рөлін күшейту, еңбек нарығы қажеттіліктерін болжау тетіктерін жетілдіру, сондай-ақ кәсіптік стандарттарды Ұлттық біліктілік шеңберінің деңгейлерімен сәйкестендіру мәселелері талқыланды. Салалық әріптестікті дамыту және икемді біліктілік шешімдерін енгізу бойынша ЕО елдерінің (Литва, Латвия, Польша) тәжірибесіне ерекше назар аударылды.
Топтық жұмыс пен сарапшылық пікірталастар нәтижесінде салалық кеңестердің институционалдық рөлін күшейту, дағдыларды болжауды кәсіптік стандарттарды әзірлеу процесіне ықпалдастыру және Ұлттық біліктілік жүйесінің тиімділігін арттыру бойынша ұсыныстар әзірленді.
«Мен салалық кеңестерде жұмыс істейтін қазақстандық әріптестердің құзыреттілігі мен сараптамалық деңгейін жоғары бағалаймын. Қазақстанның біліктілік жүйесін дамытуда және салалық кеңестердің рөлін күшейтуде әлеуеті зор. Семинар барысында одан әрі ынтымақтастық перспективалары мен олардың қызметінің тиімділігін арттыруға бағытталған практикалық нұсқаулық әзірлеу мүмкіндігі талқыланды», - деп атап өтті Еуропалық білім беру қорының халықаралық сарапшысы Видмантас Тутлис.
Семинар қорытындысы бойынша қатысушыларға сертификаттар табысталды. Іс-шара Қазақстанның еңбек нарығына бағдарланған заманауи, икемді біліктілік жүйесін қалыптастыруға бағытталған стратегиялық бағытына берік ұстанымын тағы да растады.