26-27 қарашада Санкт-Петербургте «Ресейдің ұлттық біліктілік жүйесі» атты Х Ресейлік форум өтіп, біліктілік пен HR саласындағы өзекті сын-қатерлер мен перспективаларды талқылау үшін жетекші сарапшыларды, бизнес, білім және мемлекеттік құрылымдардың өкілдері жиналды.
Форумның маңызды оқиғасы Қазақстан мен Ресей арасындағы өзара тиімді және тең құқылы ынтымақтастық туралы Меморандумға қол қою болды. Құжат екі елдің Ұлттық біліктілік жүйелерін бірлесіп дамытуға бағытталған, бұл тәжірибе алмасу, стандарттарды үйлестіру және халықаралық аренада мамандардың бәсекеге қабілеттілігін арттыру үшін жаңа мүмкіндіктер ашады.
Форумда «Еңбек ресурстарын дамыту орталығы» АҚ президенті Дәулет Арғандықов баяндама жасады. Ол РФ-ның Ұлттық біліктілікті дамыту агенттігін мерейтойымен құттықтап, Қазақстанның біліктілік стандарттарын әзірлеудегі тәжірибесі туралы айтып, маңыздылығына назар аударды:
Кәсіптік стандарттарды халықаралық стандарттармен үйлестіру.
Білім беру мен еңбек нарығының синергиясы үшін цифрлық шешімдерді енгізу.
Мамандардың халықаралық мобильділігін қолдау.
Форум ауқымды ұлттық жобаларды іске асыру үшін күш-жігерді біріктіре отырып, елдер арасындағы жаңа басымдықтарды белгілеу және байланыстарды нығайту алаңына айналды.
