2024 жылғы 7 қарашада Францияның Лион қаласында, Еуропа білім қорынан
ұйымдастырылған «Неформалды және спонтанды оқытуды растау» шарасы аясында,
Өзбекстан Республикасындағы «Оқу жобалары орталығы» жобалық кеңсесінің Ұлттық
біліктілік жүйесін дамыту институты мен Қазақстан Республикасының Еңбек және
әлеуметтік қорғау министрлігінің «Еңбек ресурстарын дамыту орталығы» АҚ арасында
ынтымақтастық туралы меморандумға қол қойылды.
Тараптар екі елдің біліктілік жүйесін дамыту, өзара танылатын біліктіліктерді әзірлеу,
тәжірибе мен үздік практикалармен алмасу, сондай-ақ бірлескен зерттеулер жүргізу
бойынша ынтымақтастық орнатуға келісті. Сонымен қатар, әдістемелік әзірлемелермен
алмасу және біліктілікті арттыру мен білім сапасын қамтамасыз ету саласындағы
бірлескен жұмыс жоспарлануда.
Меморандумға қол қою Қазақстан мен Өзбекстан арасында кәсіптік біліктіліктер мен
білім беру саласындағы ынтымақтастықты нығайтады, бұл екі елде біліктілікті арттыру
мен адам ресурстарын дамыту үшін жағдайларды жақсартуға ықпал етеді.
