Кәсіптік біліктілік жөніндегі ұлттық орган (бұдан әрі – КБҰО) Ұлттық біліктілік жүйесін (бұдан әрі - ҰБЖ) дамыту шеңберінде кезекті оқыту семинарын өткізді. Шараға Қазақстанның жетекші жұмыс берушілер бірлестіктері мен қауымдастықтарының 40 өкілі қатысты.
HR-менеджерлер қауымдастығының Үйлестіру Кеңесінің президенті Гүлмира Болатқызы Раисова семинар спикері болып қатысты. Ол қатысушыларға кәсіпорындарда кәсіптік стандарттарды енгізудің негізгі міндеттері туралы ақпаратпен бөлісті. HR-менеджерлер қауымдастығының мүшесі Айгүл Тұрсысбекқызы Ордабаева тәжірибелік мысалдар мен талдаулар жасады, ол кәсіпорындарда сапалы лауазымдық нұсқаулықтарды әзірлеу жолында қандай қиындықтар кездесетінін көрнекі түрде көрсетті.
Семинар белсенді талқылау форматында өтті, онда қатысушылар процестерді жақсарту бойынша пікір алмасты.
Семинарлар циклі білімді тереңдету және Қазақстан Республикасында кәсіптік біліктілік жүйесін жетілдіру үшін жұмыс берушілер арасында өзара іс-қимылды кеңейту мақсатында одан әрі жалғасады.
