Қазақстан Республикасы Энергетика министрлігінде 2024 жылғы 18 қазанда вице-министр Ә.Ж. Жамауовтың төрағалығымен мұнай-газ, мұнай өңдеу және мұнай-химия салаларындағы кәсіптік стандарттарды жаңарту жұмыстарын талқылау аясында кезекті жиналыс өткізілді. Жиналысқа мұнай-газ, мұнай өңдеу және мұнай-химия өнеркәсібі қызметкерлерінің кәсіптік біліктілік жөніндегі салалық кеңесінің төрайымы – «KAZENERGY» қауымдастығының атқарушы директоры, «Мұнай және газ-химия өнімдерін өндірушілер мен тұтынушылар қауымдастығы» ЗТБ, Энергетика министрлігінің салалық департаменттері (мұнай-газ және атом өнеркәсібі), кәсіптік біліктілік жөніндегі ұлттық орган «Еңбек ресурстарын дамыту орталығы» АҚ және «Қазатомөнеркәсіп» АҚ өкілдері қатысты.
Қазақстан Республикасының Энергетика министрлігі салалық біліктілік шеңберінің (СБШ) 3 бағыты бойынша 41 кәсіптік стандартты (КС) жаңарту жұмыстарын жүргізуде:
- «Мұнай мен газды барлау және өндіру» - 15 КС;
- «Мұнай мен газды тасымалдау және сақтау» - 15 КС;
- «Мұнай мен газды өңдеу және өткізу» - 11 КС.
«Мұнай мен газды барлау және өндіру» СБШ бойынша 11 КС, «Мұнай және газды тасымалдау және сақтау» СБШ 3 КС «ЕРДО» АҚ-ның КБҰО-мен оң қорытынды берілді.
Қазіргі таңда Министрлікпен кәсіптік стандарттарды жаңарту жұмыстары жалғастырылуда.
