Кәсіптік біліктілік жөніндегі ұлттық орган (бұдан әрі - КБҰО) Ұлттық біліктілік жүйесін дамыту шеңберінде оқыту семинарларының циклін жалғастыруда
Ұлттық біліктілік жүйесін (бұдан әрі - ҰБЖ) дамыту шеңберінде кезекті оқыту семинары өткізілді. Семинарға салалық мемлекеттік органдардың 34 өкілі қатысты.
Семинар спикері, «Еңбек ресурстарын дамыту орталығы» АҚ Кәсіптік біліктілік жөніндегі ұлттық органының сарапшысы Боженов Асқар Зәйіпұлы семинарға қатысушыларды кәсіптік стандарттарды әзірлеу және (немесе) өзектендіру бойынша әдістемелік ұсынымдар, өзектендіру бойынша әдістемелік ұсынымдар жобаларымен таныстырды.
Сонымен қатар, семинарға қатысушылар кәсіптік стандарттарды әзірлеу және бекіту алгоритмімен танысты.
Семинар барысында қатысушылар пікір алмасты және бар проблемаларды талқылады.
Сараптамалық қоғамдастықтар өкілдеріне арналған семинарлар циклі Қазақстанның ҰБЖ дамытуға мүдделі тараптардың қатысу дәрежесі мен сапасын арттыру мақсатында өткізіледі.
