Машықтар
1. Ұйымның контексін, бизнес стратегиясын және даму жоспарларын, оқытуға қажеттіліктің туындау көздерін (ұйымның сыртқы ортасындағы өзгерістер, технологиялық прогрестер, стратегиядағы өзгерістер, ұйымның құрылымы, ұйым ішіндегі персоналдың қозғалысы және т. б.) ескере отырып талдайды және оқыту мен даму саласындағы үздік халықаралық тәжірибелерді дербес әзірлей алады немесе бейімдей алады;
2. Ұйымдағы әлеуметтік-психологиялық ахуалға, жұмыскерлердің оқуға дайындығы мен дайындық дәрежесіне талдау жүргізеді және талдау негізінде оқыту және дамыту тұжырымдамасы бойынша ұсыныстар дайындайды;
3. Ұйымдағы процестер мен функцияларды, өндірістің әртүрлі учаскелерінде және нақты жұмыс орындарында жұмыс істеу ерекшеліктерін, персоналдың білімі мен құзыретіне қойылатын талаптарды талдайды және ұйымдағы лауазымдарға қойылатын талаптар мен жұмыскерлердің нақты деңгейі арасындағы алшақтықты (оның ішінде қызмет тиімділігін бағалау/аттестаттау нәтижелерін негізге ала отырып) қалай бағалауға болатынына сараптама бере алады;
4. Жұмыскерлерді оқыту және дамыту бөлігінде бизнестің не күтетіні мен қажеттіліктері туралы стейкхолдерлерден кері байланыс жинауды қамтамасыз етеді.
Білімдер
1. Менеджмент негіздері, стратегиялық жоспарлау, ұйымдастырушылық мінез-құлық, өзгерістер мен тәуекелдерді басқару, еңбек экономикасы;
2. Ұйымдастырушылық дизайн;
3. Қазіргі заманғы маркетингтің негіздері, теориялары мен практикасы;
4. Мансаптық консультация беру әдістері және персоналды кәсіби бағдарлау негіздері;
5. Персоналдың білімі мен құзыретін бағалау құралдары.
Машықтар
1. Оқыту мен дамытуда анықталған қажеттілікті ескере отырып, жұмыскерлерді оқыту мен дамытудың стратегиялық көзқарасын, мақсаттарын, қағидаттарын қалыптастырады;
2. Оқытудың әртүрлі құралдары мен тәсілдерін, сондай-ақ оқыту іс-шаралары мен ұйымның мақсатты корпоративтік мәдениеті арасындағы байланысты қолдана отырып, оқытудың бейімделу, даму, үздіксіздік және жүйелілік жүйесінің тұтастығын қамтамасыз етеді;
3. Бизнестің стратегиялық мақсаттарына сәйкес жұмыскерлерді оқытудың басым бағыттарын айқындайды, оқу міндеттерінің стратегиялық басымдықтармен, ағымдағы процестермен, жұмыскерлердің дайындық деңгейімен, басқа оқу бағдарламаларымен арақатынасын қалыптастырады;
4. Персоналды оқыту және дамыту процесінің тиімділігін, нәтижелілігін анықтау үшін HR-метрикаларын жоспарлайды;
5. Ұйымда қолайлы орта мен оқу мәдениетін құру үшін коммуникация, жұмысшылар мен стейкхолдерлерді тарту жоспарларын әзірлейді;
6. Жұмыскерлерді оқыту мен дамытуға байланысты бар тәуекелдерді анықтайды және есептей алады;
7. Мүдделі тараптарға оқыту және дамыту бөлігінде сараптама ұсынады.
Білімдер
1. Жұмыскерлерді оқыту және дамыту саласындағы заманауи трендтер мен үздік тәжірибелер;
2. Жұмыскерлерді ынталандыру және тарту әдістері;
3. Жұмыскерлердің теңдігі саласындағы саясаттар мен тәжірибелер;
4. Тұрақты даму принциптері;
5. Оқыту және дамыту құралдары және олардың сипаттамасы;
6. Оқыту және дамыту процесінің тиімділігі мен нәтижелілігінің HR-көрсеткіштері;
7. ҚР еңбек заңнамасының нормалары;
8. Компанияның ұйымдық/корпоративтік мәдениетінің корпоративтік құндылықтары мен ерекшеліктері;
9. Тәуекелдерді басқару.
Машықтар
1. Білімді басқару жүйесін (knowledge management) құратындар: ұйымның ақпараттық активтерін жинау, бағалау, жүйелеу, жинақтау және сақтау процестері;
2. Жұмыскерлердің тәжірибесі мен құзыреттеріне сүйене отырып, ұйымның формальды білімі мен айқын емес білімін анықтайды және жіктейді;
3. Тәжірибе мен білім беру үшін тәлімгерлік құралдарын енгізеді;
4. Жұмыскерлерді дамыту жоспарларын құру және олардың орындалуын мерзімді бақылау арқылы жұмыскерлерді дамыту жүйесін енгізеді;
5. Білімді тарату құралдарына ие және ұйымдағы білімді басқару жүйесі бойынша мүдделі тараптармен байланысты ұйымдастырады.
Білімдер
1. Білімді басқару жүйелерін қалыптастырудың заманауи тенденциялары мен тәжірибелері;
2. Менторлық және тәлімгерлік негіздері.
3. Коучинг және консультация беру әдістері.
