Кәсіптік стандарт

Персоналды бейімдеу, оқыту және дамыту

«Персоналды бейімдеу, оқыту және дамыту» кәсіби стандарты ұйым персоналын бейімдеу, дамыту және оқыту мәселелеріне жауап беретін ұйымның «Адам ресурстарын басқару» саласындағы жұмыскерлердің біліктілігі мен құзыреттілік деңгейіне қойылатын талаптарды анықтауға арналған және оқыту мен дамыту саласындағы кадрларды бағалау, аттестаттау, сертификаттау үшін, персоналдың біліктілігін растау және даярлау үшін негіз ретінде қолданылады. Кәсіби стандарт төменде көрсетілген жағдайларда пайдалануға арналған: 1) жұмыскерлер – саладағы мамандыққа қойылатын талаптарды түсіну, өзінің біліктілігін арттыруды және мансаптық жоғарылатуды жоспарлау үшін; 2) жұмыс берушілер – жұмыскерлерге қолданылатын талаптарды, нұсқаулықтарды, міндеттерді әзірлеу, персоналды жалдау және аттестаттау кезінде өлшемшарттарды қалыптастыру, сондай-ақ кадрлардың біліктілігін арттыру, дамыту, ілгерілету және ротациялау бағдарламаларын жасау үшін; 3) сертификаттау және біліктілік беру жөніндегі қызметті жүзеге асыратын ұйымдар (органдар) – персоналды сертификаттау кезінде бағалау материалдарын әзірлеу және сәйкестік деңгейі бойынша жұмыскерлердің біліктілік өлшемшарттарын әзірлеу үшін; 4) мемлекеттік органдар – КС-ны еңбек нарығын мониторингтеу және болжау үшін өлшемшарттар ретінде пайдалану үшін кең ауқымда пайдалануға арналған.