Машықтар
1. Зейнетақылар, жәрдемақылар және әлеуметтік төлемдер сомаларының артық төленуіне жол бермеу жөнінде шаралар қабылдау, зейнетақылардың, жәрдемақылар мен әлеуметтік төлемдердің артық (қате) төленген сомаларын қайтаруды қамтамасыз ету.
2. ӘСҚМ-нан зейнетақы, әлеуметтік төлемдер мен жәрдемақылардың мөлшерін анықтау.
3. Зейнетақылар мен жәрдемақылардың, базалық зейнетақы мен әлеуметтік төлемдердің, өтемақылардың мөлшерін индекстеу, қайта есептеу жөніндегі жұмыстарды жүргізу.
4. Зейнетақы, жәрдемақы және әлеуметтік төлемдер төлейтін ұйымдармен дербес және карточкалық шоттарды салыстыру бойынша, есепке алынғаннан кейін зейнетақы мен жәрдемақы сомаларын қайтару бойынша, артық есептелген зейнетақы мен жәрдемақы сомаларын қайтару бойынша өзара іс-қимылды қамтамасыз ету.
5. Үш және одан да көп ай ішінде зейнетақы, жәрдемақы және әлеуметтік төлемдер алмайтын салымшылардың, сенімхат бойынша алушылардың тізімі бойынша, қайтыс болған және кеткен адамдарды анықтау бойынша жұмыс жүргізу.
6. Тағайындалған зейнетақы мөлшерін, базалық зейнетақы төлемдерін, жәрдемақыларды, әлеуметтік төлемдерді, өтемақыларды уақтылы және дұрыс есепке алуды қамтамасыз ету.
7. Міндетті әлеуметтік сақтандыру жүйесіне қатысушылармен өзара іс-қимыл жасау.
8. Әлеуметтік төлемдерді төлеу және алу мәселелері бойынша консультанция және түсініктеме беру.
Білімдер
1. Нормативтік құқықтық актілер:
2015 жылғы 23 қарашадағы Қазақстан Республикасының Еңбек кодексі.
"Қазақстан Республикасында мүгедектігі бойынша, асыраушысынан айырылу жағдайы бойынша және жасына байланысты берілетін мемлекеттік әлеуметтік жәрдемақылар туралы" 1997 жылғы 16 маусымдағы Қазақстан Республикасының Заңы.
"Жерасты және ашық кен жұмыстарында, еңбек жағдайлары ерекше зиянды және ерекше ауыр жұмыстарда немесе еңбек жағдайлары зиянды және ауыр жұмыстарда істеген адамдарға берілетін мемлекеттік арнайы жәрдемақы туралы" 1999 жылғы 13 шілдедегі Қазақстан Республикасының Заңы.
"Міндетті әлеуметтік сақтандыру туралы" 2003 жылғы 25 сәуірдегі Қазақстан Республикасының Заңы.
"Қызметкер еңбек (қызметтік) міндеттерін атқарған кезде оны жазатайым оқиғалардан міндетті сақтандыру туралы" 2005 жылғы 7 ақпандағы Қазақстан Республикасының Заңы.
"Балалы отбасыларға берілетін мемлекеттік жәрдемақылар туралы" 2005 жылғы 28 маусымдағы Қазақстан Республикасының Заңы.
"Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасының Заңы.
"Әлеуметтік аударымдарды есептеу және Мемлекеттік әлеуметтік сақтандыру қорына аудару және олар бойынша өндіріп алу қағидалары мен мерзімдерін бекіту туралы" Қазақстан Республикасы Үкіметінің 2004 жылғы 21 маусымдағы № 683 қаулысы.
"Бірыңғай жинақтаушы зейнетақы қорынан төленетін міндетті зейнетақы жарналары, міндетті кәсіптік зейнетақы жарналары есебінен қалыптасқан зейнетақы жинақтарынан зейнетақы төлемдерін жүзеге асыру қағидаларын және зейнетақы төлемдерінің мөлшерін есептеуді жүзеге асыру әдістемесін бекіту туралы" Қазақстан Республикасы Үкіметінің 2013 жылғы 2 қазандағы № 1042 қаулысы.
"Мемлекеттік әлеуметтік сақтандыру қорынан төленетін әлеуметтік төлемдерді тағайындау, мөлшерін есептеу (айқындау), қайта есептеу, сондай-ақ олардың жүзеге асырылу қағидаларын бекіту туралы" Қазақстан Республикасы Денсаулық сақтау және әлеуметтік даму министрінің 2015 жылғы 17 сәуірдегі № 236 бұйрығы (Нормативтік құқықтық актілерді мемлекеттік тіркеу тізілімінде № 11224 болып тіркелді).
"Міндетті әлеуметтік сақтандыру жүйесіне қатысушыларды дербестендірілген есепке алуды және олардың әлеуметтік аударымдары мен әлеуметтік төлемдерін жүргізу қағидаларын бекіту туралы" Қазақстан Республикасы Денсаулық сақтау және әлеуметтік даму министрінің м.а. 2016 жылғы 13 қаңтардағы № 15 бұйрығы (Нормативтік құқықтық актілерді мемлекеттік тіркеу тізілімінде № 13094 болып тіркелді).
"Қаржылық және өзге де есептіліктің тізбесін, нысандарын, Мемлекеттік әлеуметтік сақтандыру қорының және "Азаматтарға арналған үкімет" мемлекеттік корпорациясының оларды ұсыну мерзімдерін айқындау туралы" Қазақстан Республикасы Денсаулық сақтау және әлеуметтік даму министрінің 2016 жылғы 20 қаңтардағы № 34 бұйрығы (Нормативтік құқықтық актілерді мемлекеттік тіркеу тізілімінде № 13192 болып тіркелді).
"Ақпараттық жүйелер мен дерекқорларды қолдап отырудың және оларға қол жеткізудің кейбір мәселелері туралы" Қазақстан Республикасы Денсаулық сақтау және әлеуметтік даму министрінің 2016 жылғы 28 қаңтардағы № 63 бұйрығы (Нормативтік құқықтық актілерді мемлекеттік тіркеу тізілімінде № 13371 болып тіркелді).
"Салымшылардың (алушылардың) міндетті зейнетақы жарналары, міндетті кәсіптік зейнетақы жарналары бойынша дерекқорын қалыптастыру қағидаларын және міндетті зейнетақы жарналары, міндетті кәсіптік зейнетақы жарналары есебінен зейнетақымен қамсыздандыру туралы шарт жасасқан жеке тұлғалардың бірыңғай тізімін және Орталық атқарушы орган мен бірыңғай жинақтаушы зейнеақы қорынын ақпараттық жүйелері арасында жеке зейнетақы шоттары бойынша қозғалыстары туралы ақпарат алмасу қағидаларын бекіту туралы" Қазақстан Республикасы Еңбек және халықты әлеуметтік қорғау министрінің м.а. 2017 жылғы 3 тамыздағы № 232 бұйрығы (Нормативтік құқықтық актілерді мемлекеттік тіркеу тізілімінде № 15629 болып тіркелді).
2. Зейнетақы, жәрдемақы және әлеуметтік төлемдерді есептеу, қайта есептеу тәртібі.
3. Әлеуметтік жұмыстағы этика негіздері (Кәсіби этика кодексі).
