Машықтар
1. Өндірістік-технологиялық және микробиологиялық зертханалардың қызметін басқару, негізгі және қосалқы шикізаттың, дайын өнімнің сапасын нормативтік құжаттама талаптарына сәйкестігін қамтамасыз ету мақсатында технохимиялық және микробиологиялық бақылауды жүзеге асыру.
2. Өндірістік желілерде, цехтарда және учаскелерде технологиялық бақылау жоспарының орындалуын бақылау.
3. Шикізатқа, материалдарға, дайын өнімге және өндірістік процестерге сапа бақылауын жүзеге асыру кезінде сәйкессіздіктер немесе бұзушылықтар анықталған жағдайда түзету және алдын алу шараларын қабылдау жөнінде шешім қабылдау.
4. Белгіленген үлгідегі зертханалық журналдарға жазбалардың жүргізілуін бақылау.
5. Тамақ өнімдерінің қауіпсіздік талаптарына сәйкестігін растау бойынша жұмысты ұйымдастыру.
6. Декларациялау сұлбасын таңдау, декларациялауға қажетті құжаттаманы дайындауды қамтамасыз ету, техникалық регламенттердің талаптарына сәйкес өнім үлгілеріне сынақ жүргізу.
7. Тамақ өнімдерінің сапасы мен қауіпсіздігін қамтамасыз ету жүйелерін әзірлеу, енгізу, сертификаттау және жұмыс күйінде ұстау.
8. Өндірістің санитарлық-гигиеналық жағдайын бақылау, ұсыныстар әзірлеу.
9. Кәсіпорын зертханаларында еңбек қауіпсіздігі және өрт қауіпсіздігі ережелерінің сақталуын бақылау.
Білімдер
1. Нан-тоқаш және кондитерлік кәсіпорындарда технологиялық үдерістерді ұйымдастыру және жүргізу ережелері.
2. Нан-тоқаш және кондитерлік өндірістегі шикізаттың, жартылай фабрикаттардың және дайын өнімнің сапасын технохимиялық және зертханалық бақылау әдістері.
3. Нан-тоқаш және кондитерлік өнімдерді өндіру барысында жүретін физикалық, химиялық, биохимиялық және микробиологиялық үдерістер.
4. Шикізатқа, материалдарға және дайын өнімге қойылатын нормативтік құжаттама талаптары.
5. Шикізаттың, жартылай фабрикаттардың және дайын өнімнің сапасын сынау әдістері.
6. Халықаралық стандарттардың талаптары.
7. Тамақ өнімдерінің қауіпсіздігіне әсер ететін факторлар.
8. Тамақ өнімдерінің қауіпсіздігін бақылаудың аналитикалық әдістері.
9. Нан-тоқаш және кондитерлік өндіріс желілеріндегі технологиялық жабдықтарға, қауіпсіздік және дабыл беру жүйелеріне, бақылау-өлшеу аспаптарына техникалық қызмет көрсету және оларды пайдалану кезінде еңбек қауіпсіздігіне, санитарлық және өрт қауіпсіздігіне қойылатын талаптар.
Машықтар
1. Әрбір технологиялық желі, цех және учаске үшін өндірістегі технологиялық бақылау жоспарын әзірлеу және бекіту.
2. Өндірістің технологиялық жоспарларын, өндірістік рецептураларды, технологиялық нұсқаулықтарды қарастыру және бекіту.
3. Шикізатты өндіріске дайындау кезінде оның шығынының нормаларын белгілеу және өлшеу жұмыстарын ұйымдастыру.
4. Өндіріс жағдайлары немесе шикізат сапасы өзгерген кезде дайын өнімнің шығым нормаларын, технологиялық үдеріс көрсеткіштерін нақтылау мақсатында сынамалық өндірістік пісірулерді ұйымдастыру. Анықталған өзгерістерді технологиялық құжаттамаға енгізуді және кейіннен бекітілуін қамтамасыз ету.
5. Кәсіби бағытталған ақпараттық жүйелерде деректерді жинау, орналастыру, сақтау және беру үшін ақпараттық технологияларды қолдану.
Білімдер
1. Нан-тоқаш және кондитерлік өндірістегі технологиялар мен технологиялық үдерістерді ұйымдастыру.
2. Нан-тоқаш және кондитерлік өндірістегі технологиялық үдерістердің тиімділік көрсеткіштері.
3. Технологиялық нұсқаулықтарға сәйкес нан-тоқаш және кондитерлік өндірістегі технологиялық операцияларды орындау сапасына қойылатын талаптар.
4. Технологиялық нұсқаулықтарға сәйкес өндірістік технологиялық операциялардың орындалу сапасын жоспарлау, бақылау және бағалау әдістері.
5. Технологиялық жабдықтардың өндірістік қуаттары, техникалық сипаттамалары, құрылымдық ерекшеліктері және жұмыс режимдері, сондай-ақ оны пайдалану ережелері.
6. Өнім өндірісі кезінде құжат айналымы, есеп жүргізу және есептілік рәсімдеу ережелері.
7. Технологиялық құжаттаманы әзірлеуге арналған ережелер, нұсқаулықтар және өзге де басшылыққа алынатын материалдар.
8. Негізгі жүйелік бағдарламалық өнімдер мен қолданбалы бағдарламалар пакеттерін пайдалана отырып, ақпаратты жинау, өңдеу, сақтау және берудің әдістері мен құралдары.