Машықтар
1. Әрбір технологиялық желі, цех және учаске үшін өндірістегі технологиялық бақылау жоспарын әзірлеу және бекіту.
2. Өндірістің технологиялық жоспарларын, өндірістік рецептураларды, технологиялық нұсқаулықтарды қарастыру және бекіту.
3. Шикізатты өндіріске дайындау кезінде оның шығынының нормаларын белгілеу және өлшеу жұмыстарын ұйымдастыру.
4. Өндіріс жағдайлары немесе шикізат сапасы өзгерген кезде дайын өнімнің шығым нормаларын, технологиялық үдеріс көрсеткіштерін нақтылау мақсатында сынамалық өндірістік пісірулерді ұйымдастыру. Анықталған өзгерістерді технологиялық құжаттамаға енгізуді және кейіннен бекітілуін қамтамасыз ету.
5. Кәсіби бағытталған ақпараттық жүйелерде деректерді жинау, орналастыру, сақтау және беру үшін ақпараттық технологияларды қолдану.
Білімдер
1. Нан-тоқаш және кондитерлік өндірістегі технологиялар мен технологиялық үдерістерді ұйымдастыру.
2. Нан-тоқаш және кондитерлік өндірістегі технологиялық үдерістердің тиімділік көрсеткіштері.
3. Технологиялық нұсқаулықтарға сәйкес нан-тоқаш және кондитерлік өндірістегі технологиялық операцияларды орындау сапасына қойылатын талаптар.
4. Технологиялық нұсқаулықтарға сәйкес өндірістік технологиялық операциялардың орындалу сапасын жоспарлау, бақылау және бағалау әдістері.
5. Технологиялық жабдықтардың өндірістік қуаттары, техникалық сипаттамалары, құрылымдық ерекшеліктері және жұмыс режимдері, сондай-ақ оны пайдалану ережелері.
6. Өнім өндірісі кезінде құжат айналымы, есеп жүргізу және есептілік рәсімдеу ережелері.
7. Технологиялық құжаттаманы әзірлеуге арналған ережелер, нұсқаулықтар және өзге де басшылыққа алынатын материалдар.
8. Негізгі жүйелік бағдарламалық өнімдер мен қолданбалы бағдарламалар пакеттерін пайдалана отырып, ақпаратты жинау, өңдеу, сақтау және берудің әдістері мен құралдары.
Машықтар
1. Өндірістік-технологиялық және микробиологиялық зертханалардың қызметіне басшылық жасау, негізгі және қосалқы шикізаттың, дайын өнімнің сапасын нормативтік құжаттама талаптарына сәйкестігін қамтамасыз ету мақсатында технохимиялық және микробиологиялық бақылауды жүзеге асыру.
2. Технологиялық бақылау жоспарының өндірістік желілерде, цехтарда және учаскелерде орындалуын қадағалау.
3. Шикізаттың, материалдардың, дайын өнімнің және өндірістік үдерістердің сапасын бақылау барысында сәйкессіздіктер немесе бұзушылықтар анықталған жағдайда түзету және алдын алу шараларын қабылдау туралы шешімдер қабылдау.
4. Белгіленген үлгідегі зертханалық журналдардағы жазбалардың жүргізілуін қадағалау.
5. Тағам өнімдерінің қауіпсіздік талаптарына сәйкестігін растау бойынша жұмысты ұйымдастыру.
6. Декларациялау сызбасын таңдау, декларациялау үшін қажетті құжаттаманы дайындауды қамтамасыз ету, өнім үлгілерін техникалық регламенттер талаптарына сәйкес сынақтан өткізу.
7. Тағам өнімдерінің сапасы мен қауіпсіздігін қамтамасыз ету жүйелерін әзірлеу, енгізу, сертификаттау және жұмыс жағдайында ұстау.
8. Өндірістің санитарлық-гигиеналық жағдайын бақылау, ұсынымдар әзірлеу.
9. Кәсіпорын зертханаларында еңбек қауіпсіздігі, өрт қауіпсіздігі ережелерінің сақталуын қадағалау.
Білімдер
1. Нан-тоқаш және кондитерлік кәсіпорындардағы технологиялық үдерістерді ұйымдастыру және жүргізу ережелері.
2. Нан-тоқаш және кондитерлік өндірістегі шикізаттың, жартылай фабрикаттардың және дайын өнімнің сапасын технохимиялық және зертханалық бақылау әдістері.
3. Нан-тоқаш және кондитерлік өнімдерді өндіру кезінде жүретін физикалық, химиялық, биохимиялық және микробиологиялық үдерістер.
4. Шикізатқа, материалдарға, дайын өнімге қойылатын нормативтік құжаттама талаптары.
5. Шикізаттың, жартылай фабрикаттардың, дайын өнімнің сапасын сынау әдістері.
6. Халықаралық стандарттар талаптары.
7. Тағам өнімдерінің қауіпсіздігіне әсер ететін факторлар.
8. Тағам өнімдерінің қауіпсіздігін бақылаудың аналитикалық әдістері.
9. Нан-тоқаш және кондитерлік өндірістегі технологиялық жабдықтарды, қауіпсіздік және дабыл беру жүйелерін, бақылау-өлшеу құралдарын техникалық пайдалану және қызмет көрсету кезінде еңбек қауіпсіздігі, санитарлық және өрт қауіпсіздігі талаптары.