Машықтар
1. Пациенттің онкологиялық ауруына, оның ішінде оның сатысына, морфологиялық және иммуногистохимиялық түріне, ісіктің топографиялық орналасуына және клиникалық сипаттамаларына бағалау жүргізу.
2. Пациенттің медициналық тарихын, оның ішінде алдыңғы емдеу әдістерін, операцияларды, химиотерапияны және сәулелік терапия әдісін таңдауға әсер етуі мүмкін басқа да аспектілерді зерттеу.
3. Жоспарланған сәулелік терапия әдісімен қол жеткізуге болатын мақсатты (радикалды, паллиативті, симптоматикалық) анықтау.
4. Радиотерапиялық аппараттың иондаушы сәулеленуін қолдана отырып, патологиялық ошақты барынша қамтитын және қоршаған сау тіндерге ең аз әсер ететін радиациялық әсер ету аймағын анықтау.
5. Иондаушы сәулеленудің пациенттердің (ересектер мен балалардың) ағзасына физикалық және радиобиологиялық аспектілерін ескере отырып, сәулеленудің оң және теріс әсеріне байланысты ықтимал қауіптерді бағалау.
6. Пациентпен және/немесе оның заңды өкілімен сәулелік терапия әдісін таңдауды талқылау, артықшылықтарын, тәуекелдерін және күтілетін нәтижелерін түсіндіру, сондай-ақ оның қалауын ескеру.
Білімдер
1. Балалар мен ересектердегі қатерлі ісіктердің және қатерсіз ісіктердің кейбір түрлерінің сәулелік терапияға медициналық көрсеткіштері мен қарсы көрсетілімдері.
2. Сәулелік терапияның физикалық және радиобиологиялық негіздері.
3. Сәулелік терапия тактикасын таңдау үшін радиотерапиялық аппараттардың түрлерін білу.
4. Сәулелік терапия жүргізу үшін аурудың этиологиясы, патогенезі, клиникалық симптоматикасы және ағза жағдайының жіктелуі.
Машықтар
1. Дербес емдеу әдісі ретінде, сондай-ақ ісікке қарсы емдеудің басқа да әдістерімен (операция, химиотерапия және т.б.) біріктірілімде/кешенде сәулелік терапия жоспарын әзірлеу.
2. Радиациялық онкологияның физикалық, радиобиологиялық және клиникалық-дозиметриялық негіздерін ескере отырып, сәулеленудің оңтайлы бір реттік және жалпы дозаларын, фракциялау режимдерін есептеу.
3. Пациенттің қажеттіліктері мен қауіпсіздігін ескере отырып, ықтимал жанама сәулелік реакцияларды, асқынуларды және зақымдануларды болжау.
4. Сәулелік емдеу жоспарын құру, сәулелік терапия қызметтерін көрсету сапасын бақылау, сондай-ақ жүргізілген емнің тиімділігін бағалау үшін сәулелік терапия аппараттарының ақпараттық-жоспарлау жүйелерін пайдалану.
5. Әзірленген және баламалы дозиметриялық жоспарларға салыстырмалы талдау жүргізе отырып, тағайындалған дозаны мақсатты көлемде және қауіпті органдар мен тіндердің көлемінде тағайындау.
6. Пациентті нақты және жоспарланған сәулелік емдеу арасындағы дозиметриялық және геометриялық параметрлердің сәйкес келмеуін түзете отырып, сәулелік терапияның верификацияланған дозиметриялық жоспарларының нәтижелерін бағалау.
7. Науқастарды сәулелік емдеудің сызбаларын, жоспарын және тактикасын, жанасқан және/немесе ұштастырылған сәулелік терапияға көрсетілімдері мен қарсы көрсетілімдерін негіздеу.
Білімдер
1. Қазақстан Республикасының халқына онкологиялық көмек көрсетуді ұйымдастыру стандарты.
2. Қазақстан Республикасының қызмет бейіні бойынша диагностикалау мен емдеудің клиникалық хаттамалары.
3. Қызмет бейіні бойынша халықаралық клиникалық ұсынымдар.
4. Сәулелік терапияның физикалық, радиобиологиялық және дозиметриялық негіздері.
5. Әртүрлі компьютерлік-дозиметриялық жоспарлау жүйелеріндегі сәулелік терапия бойынша халықаралық практикалық нұсқаулықтар негізінде нысандар мен критикалық органдардың сәулелену көлемін сипаттау (контурлау) әдістері.
6. Сәулеленуге арналған радиотерапиялық аппараттардың және сәулеге дейінгі топометриялық дайындыққа арналған аппараттардың әртүрлі типтерінің мүмкіндіктері.
7. Әртүрлі типтегі дозиметриялық жоспарлаудың компьютерлік жүйелеріндегі дозиметриялық жоспарлау принциптері.
Машықтар
1. Мультидисциплинарлық топтардың, консилиумның жұмысын ескере отырып, пациентті сәулелік емдеу жоспарын құрастыру және негіздеу.
2. Иондаушы сәулеленудің ағзаға физикалық және радиобиологиялық әсерін ескере отырып, тәуліктік және күндізгі стационар жағдайында ересектер мен балалардағы қатерлі және қатерсіз ісіктердің кейбір түрлерімен ауыратын науқастарға сәулелік емдеу жүргізу.
3. Сәулелік емдеуді аурудың сатысын, гистологиялық, иммундық гистохимиялық, молекулалық-генетикалық зерттеулерді, қатар жүретін ауруларды, науқастың жасын және басқа факторларды ескере отырып, тағайындау және жүргізу.
4. Рентген симуляторларында және виртуалды симуляция функциясымен компьютерлік томографтарда сәулеге дейінгі топометриялық дайындықты барлық локализацияларда және сәулелік терапияның жоспарланған әдістерінде жүргізу.
5. ҚР диагностикасы мен емдеуінің клиникалық хаттамаларына, сондай-ақ халықаралық нұсқаулықтарға сәйкес сәулеленуге арналған қондырғылардың әртүрлі типтерін оңтайлы пайдалана отырып, онкологиялық науқастарға қашықтықтан сәулелік терапия жүргізу.
6. Брахитерапияға арналған аппараттарда жанаспалы сәулелік терапия (брахитерапия) жүргізу. Жанаспалы сәулелену түріне және ісік процесінің локализациясына байланысты пациентті жатқызу техникасын және аппликаторларды енгізу техникасын меңгеру.
7. Онкологиялық пациенттерге жоспарлы, ал кейбір жағдайларда шұғыл паллиативтік және симптоматикалық сәулелік терапия жасау.
8. Радиациялық онкологиядағы шұғыл және өмірге қауіп төндіретін жағдайларда медициналық көмек көрсету.
Білімдер
1. Қазақстан Республикасының халқына онкологиялық көмек көрсетуді ұйымдастыру стандарты.
2. Қазақстан Республикасының қызмет бейіні бойынша диагностикалау мен емдеудің клиникалық хаттамалары.
3. Қызмет бейіні бойынша халықаралық клиникалық ұсынымдар.
4. Тәуліктік және күндізгі стационарларға жоспарлы емдеуге жатқызу үшін медициналық көрсетілімдер.
5. Радиациялық онкологиядағы медициналық құжаттама.
