Кіру

Радиациялық онколог-дәрігер

Кәсіптің сипаттамасы
2213-3-001
Радиациялық онколог-дәрігер
Кәсіптік стандарт
Кәсіптік стандарттың паспорты
Басқа кәсіптермен байланыс
Кәсіптер картасы
Тану ережелері
Кәсіптер тізілімі
Сипаттама
Негізгі мақсат
Тәлімгердің бақылауымен және қадағалауымен иондаушы сәулеленуді пайдалана отырып, балалар мен ересектердегі әртүрлі локализациядағы қатерлі және қатерсіз ісіктердің кейбір түрлерін диагностикалау және емдеу.
Жеке құзыреттерге қойылатын талаптар
  • Эмпатия
  • Коммуникабельділік
  • Толеранттылық пен сыйластық
  • Ынтымақтастық және командада жұмыс істеу
  • Стресске төзімділік
  • Рефлексия және өзіндік талдау
  • Кәсіби этиканы сақтау
  • Ашықтық және оқуға дайындық
  • Белсенділік және бастамашылдық
  • Кәсіби дамуға ұмтылу
  • Жауапкершілік.
  • Бейімделу.
  • Сыни тұрғыдан ойлау.
  • Ұйымдастырушылық және тайм-менеджмент.
Жұмыс тәжірибесіне қойылатын талаптар
  • Талап етілмейді.
Басқа кәсіптермен байланыс
7 СБШ-нің деңгейі (7.2 кіші деңгей)
Радиациялық онколог-дәрігер
Толығырақ
7 СБШ-нің деңгейі (7.3 кіші деңгей)
Радиациялық онколог-дәрігер
Толығырақ
7 СБШ-нің деңгейі (7.4 кіші деңгей)
Радиациялық онколог-дәрігер
Толығырақ
Деңгей 7
жоғары оқу орнынан кейінгі білім (магистратура, резидентура) , 7R011 Денсаулық сақтау

Дағды 1 Балалар мен ересектерде болатын қатерлі және қатерсіз ісіктердің кейбір түрлері бар пациенттерді тексеру. Дағды 2 Қатерлі және кейбір қатерсіз ісіктердің диагнозын қою. Дағды 3 Ересектер мен балалардағы онкологиялық ауруларды дербес, аралас немесе кешенді емдеуде сәулелік емдеу әдістерін қолдану. Дағды 4 Сәулелік терапияның физикалық, радиобиологиялық және клиникалық-дозиметриялық негіздеріне сүйенген сәулелік терапияны жоспарлау. Дағды 5 Сәулелік емдеу процесінде пайда болатын сәулелік асқынулар мен зақымдарды анықтау. Дағды 6 Ағзаға химия-биологиялық әсерлерге негізделген ем тағайындау. Дағды 7 Қатерлі және қатерсіз ісіктердің кейбір түрлерімен ауыратын пациенттерді динамикалық бақылау. Дағды 8 Өміріне қауіп төндіретін жағдайларда онкологиялық науқастарға шұғыл медициналық көмек көрсету.
Машықтар
1. Пациенттерден немесе олардың заңды өкілдерінен шағымдарын, өмір және ауру анамнезін жинауды жүзеге асыру.
2. Пациенттерден немесе олардың заңды өкілдерінен алынған ақпаратты түсіндіру және талдау.
3. Пациентті тексеру жоспарын құрастыру: қажетті зертханалық және визуалды зерттеулерін таңдауды қоса алғанда, әрі қарайғы тексеру жоспарын әзірлей отырып, диагностиканы жоспарлау.
4. Пациентті көрсетілімдері бойынша басқа мамандықтағы дәрігерлерге жіберу үшін көрсеткіштерді анықтау.
5. Клиникалық диагноз қою және ем тактикасын таңдау мақсатында басқа мамандармен тиімді өзара әрекеттесе отырып, клиникалық жағдайларды талқылау және кешенді емдеу жоспарларын әзірлеу үшін МДТ құрамына қатысу.
6. Онкологиялық аурулары және денсаулық бұзылыстары бар пациенттерге қатысты зертханалық, морфологиялық, иммуногистохимиялық, молекулалық-генетикалық, аспаптық (ультрадыбыстық, радиологиялық: рентгенологиялық, компьютерлік томография, магниттік-резонанстық және т.б.) және эндоскопиялық зерттеу деректерін интерпретациялау.
7. Көрнекі локализация ағзаларына (тері, шеткері лимфа түйіндері, сүт бездері, қалқанша без, ауыз қуысы, сыртқы жыныс мүшелері, тік ішек) визуалды және мануальды зерттеу жүргізу.
8. Қатерлі және қатерсіз ісіктердің кейбір түрлерімен ауыратын науқастарды тәуліктік немесе күндізгі стационарға жатқызу үшін іріктеу жасау және жолдама беру.
Білімдер
1. Қазақстан Республикасының халқына онкологиялық көмек көрсетуді ұйымдастыру стандарты.
2. Қазақстан Республикасының қызмет бейіні бойынша диагностикалау мен емдеудің мерзімді хаттамалары.
3. Қызмет бейіні бойынша халықаралық клиникалық ұсынымдар.
4. Ересектер мен балалар анатомиясы мен физиологиясы.
5. Ересектер мен балалардағы онкологиялық патология кезіндегі этиопатогенез, патофизиология, патоморфология, генетикалық мутациялар мен клиникалық симптомдар негіздері.
Машықтар
1. АХЖ-10, АХЖ-O және басқа да жалпы қабылданған жіктеулерге сәйкес онкологиялық аурулардың алдын алу, кезеңдік және қорытынды клиникалық диагноздарын белгілеу және негіздеу.
2. Қатерлі ісік диагнозын қою кезінде дифференциалды диагноз жүргізу.
3. Онкологиялық науқастардың жағдайының ауырлығын Карновский шкаласы бойынша және онкологиялық науқастардық функциональдық жағдайын бағалаудың негізгі құралы болып табылатын, олардың өз-өзіне қызмет көрсету қабілеті мен физикалық белсенділігін анықтайтын ЕКОГ (ECOG) шкаласы бойынша, сондай-ақ ауру сататын қатерлі ісіктердің халықаралық ТНМ (TNM) және ФИГО (FIGO) жіктемелеріне сәйкес бағалау.
Білімдер
1. Қазақстан Республикасының халқына онкологиялық көмек көрсетуді ұйымдастыру стандарты.
2. Қазақстан Республикасының қызмет бейіні бойынша диагностикалау мен емдеудің мерзімді хаттамалары.
3. Қызмет бейіні бойынша халықаралық клиникалық ұсынымдар.
4. Онкологиялық аурулардың АХЖ-10, АХЖ-0 бойынша халықаралық жіктелімдері.
5. Халықаралық жіктелу: ТНМ (TNM) жіктелуі (АЖКК (AJCC) 8-басылымы, 2018 жыл.)
Машықтар
1. Мультидисциплинарлық топтардың жұмысын ескере отырып, пациентті сәулелік емдеу жоспарын құрастыру және негіздеу.
2. Пациенттерден және олардың өкілдерінен сәулелік емдеуді жүргізуге ақпараттандырылған келісім алу.
3. Онкологиялық аурумен ауыратын науқастарға тәуліктік және күндізгі стационарлар жағдайында сәулелік емдеу жүргізу.
4. Иондаушы сәулеленудің организмге физикалық және радиобиологиялық әсерін ескере отырып, қатерлі және қатерсіз ісіктердің кейбір түрлеріне сәулелік терапия тағайындау және жүргізу.
5. Аурудың сатысын, гистологиялық, иммуногистохимиялық, молекулалық-генетикалық зерттеулер нәтижелерін, қатар жүретін ауруларды, пациенттің жасын және басқа да факторларды ескере отырып, сәулелік емдеуді тағайындау және жүргізу.
6. Барлық локализациялар мен жоспарланатын сәулелік терапия әдістемелері кезінде рентгендік симуляторларда және виртуалды симуляция функциясы бар компьютерлік томографтарда сәулеге дейінгі топометриялық дайындықты тағайындау және орындау.
7. Сәулелік терапия аппараттарының барлық түрлерін қолдана отырып, диагностика мен емдеудің клиникалық хаттамаларына сәйкес қатерлі ісіктермен және қатерсіз ісіктердің кейбір түрлерімен ауыратын науқастарға сәулелік емдеу тағайындау және жүргізу.
8. Онкологиялық пациенттерге паллиативтік және симптоматикалық сәулелік терапия жүргізу.
9. Сәулелік емдеудің тиімділігін бағалау және оны клиникалық, зертханалық, аспаптық, морфологиялық және т.б. зерттеу әдістерінің нәтижелеріндегі динамикалық өзгерістерді ескере отырып түзету.
10. Радиациялық онкологиядағы шұғыл және өмірге қауіп төндіретін жағдайлар барысында медициналық көмек көрсету.
Білімдер
1. Қазақстан Республикасының халқына онкологиялық көмек көрсетуді ұйымдастыру стандарты.
2. Қазақстан Республикасының қызмет бейіні бойынша диагностикалау мен емдеудің клиникалық хаттамалары.
3. Қызмет бейіні бойынша халықаралық клиникалық ұсынымдар.
4. Сәулелік терапияның физикалық, радиобиологиялық және дозиметриялық негіздері.
5. Әртүрлі локализациядағы онкологиялық пациенттерге қатысты этиологияны, патогенезді, клиникалық симптоматиканы, жіктелуін және тексеру әдістерін білу.
6. Сәулеленуге арналған сәулелік терапиялық аппараттардың және сәулеге дейінгі топометриялық дайындыққа арналған аппараттардың әртүрлі типтерінің мүмкіндіктері.
7. Сәулелік терапияның әртүрлі әдістері, соның ішінде сыртқы және ішкі (брахитерапия), сондай-ақ жаңа технологиялар (қарқындылығы модуляцияланған сәулелік терапия (IMRT), стереотаксикалық терапия (SBRT), радиохирургия) туралы білу.
8. Тәуліктік және күндізгі стационарға жоспарлы емдеуге жатқызуға көрсетілімдер мен қарсы көрсетілімдер.
Машықтар
1. Халықаралық хаттамаларға, атластар мен нұсқаулықтарға сәйкес сәулелік терапия үшін көлемдерді контурлау (сызу), нысаналы көлемдерді (нысананың макроскопиялық көлемі (GTV), нысананың клиникалық көлемі (CTV), нысананың жоспарлы көлемі (PTV) және сындарлы ағзалар мен тіндерді контурлау жүргізу.
2. Компьютерлік томографиялық кескіндерінің сериясы деректері негізінде дененің қызығушылық тудыратын аймағын 3-өлшемді (3D) реконструкциялау кезінде сәулелік кескіндерге компьютерлік өңдеу жүргізу, сондай-ақ компьютерлік томография, позитрондық-эмиссиялық томография/компьютерлік томография және магниттік-резонанстық томография сандық деректерін біріктіру үшін кескіндердің кеңістіктік ко-тіркеуін орындау.
3. Мақсатты көлемде (нысананың макроскопиялық көлемі (GTV), нысананың клиникалық көлемі (CTV), нысананың жоспарлы көлемі (PTV) және тәуекел сыни органдарда/тіндерде сәулеленудің белгіленген дозаларын анықтау.
4. Сәулелік терапияны дозиметриялық жоспарлаудың клиникалық негіздерін білу негізінде таңдалған және баламалы дозиметриялық жоспарларға клиникалық талдау жүргізу.
5. Сәулелік терапияны бастамас бұрын пациенттің нақты және жоспарланған емі арасындағы дозиметриялық және геометриялық параметрлердің сәйкессіздігін азайту үшін сәулелік терапияның дозиметриялық жоспарын тағайындау және жүргізу.
6. Контактты сәулелендіру кезінде иондаушы сәулеленудің физикалық және радиобиологиялық әсері туралы білімге сүйене отырып, брахитерапия жүргізуге көрсетілімдерді анықтау.
Білімдер
1. Сәулелік терапияны жоспарлау үшін қалыпты және топографиялық анатомияның, рентгенологияның, компьютерлік және магниттік-резонанстық томографияның, позитрондық-эмиссиялық томографияның негіздері.
2. Нысаналар мен критикалық ағзаларды сәулелендіру көлемдерін контурлаудың сәулелік терапия бойынша халықаралық практикалық нұсқаулықтарға негізделген түрлі тәсілдері.
3. Сәулелік терапияны, соның ішінде мақсатты көлемдерді (нысананың жоспарлы көлемі (PTV), нысананың клиникалық көлемі (CTV)) және сыни құрылымдарды контурлауды жоспарлау әдістері мен технологияларын түсіну.
4. Әртүрлі типтегі дозиметриялық жоспарлаудың жоспарлы компьютерлік жүйелеріндегі клиникалық-дозиметриялық жоспарлаудың принциптері.
5. Сәулелік терапияны жоспарлаудағы тәуекелдер мен пайданың арақатынасын бағалау принциптерін, соның ішінде емдеудің жанама әсерлері мен ұзақ мерзімді салдарын есепке алуды білу.
6. Клиникалық ұсынымдар мен стандарттар. Кәсіби қауымдастықтар әзірлеген сәулелік терапия бойынша өзекті клиникалық ұсыныстармен және стандарттармен танысу.
Машықтар
1. Радиотерапия жүргізу барысында негізгі аурудың асқынуларын уақтылы анықтауға мүмкіндік беретін емдік-диагностикалық шаралардың тиімділігін бағалау.
2. Дәрілік терапияны және басқа тәсілдерді қоса алғанда, сәулелік терапияны жүргізу кезінде ықтимал сәулелік асқынулар мен зақымданулардың алдын алу.
3. Пациенттер мен олардың отбасыларын сәулелік асқынулардың алдын алу және өзін-өзі бақылау әдістеріне, сондай-ақ дәрігерлердің ұсыныстарын орындаудың маңыздылығына үйрете білу.
Білімдер
1. Сәулелік терапия жүргізуге арналған халықаралық нұсқаулықтар, әдістемелік нұсқамалар, клиникалық хаттамалар.
2. Ағзалар мен жүйелер ауруларының сәулелік терапия аясындағы этиологиясы, патогенезі, клиникалық симптоматикасы.
3. Сәулелену нәтижесінде тіндерде орын алатын патофизиологиялық өзгерістер мен олардың пациент денсаулығына тигізетін салдарын ескере отырып, сәулелік асқынулардың дамуына ықпал ететін факторлар туралы білу.
4. Сәулелік терапия жүргізу кезіндегі ықтимал сәулелік реакциялар, асқынулар және зақымданулар.
5. Сәулелік асқынулардың жіктелуі. Сәулелік асқынулардың негізгі түрлерін, соның ішінде жедел және созылмалы реакцияларды, сондай-ақ олардың даму механизмдерін білу.
Машықтар
1. Сәулелік терапия жүргізу кезінде аурудың клиникасына және патогенетикалық белгілеріне қарай қажетті дәрілік заттарды таңдап, тағайындау.
2. Сәулелік терапия жүргізу кезінде дәрілік препараттың оңтайлы дозаларын таңдау және тағайындау.
3. Осы нозологияны сәулелік терапия әдісімен емдеуде дәрілік заттың тиімділігін анықтау және талдау.
Білімдер
1. Сәулелік терапия жүргізу кезіндегі химиялық дәрілік заттардың ағзаға әсері.
2. Сәулелік емдеудің тиімділігін арттыратын немесе төмендететін дәрілік заттардың түрлерінің әсері.
3. Сәулелік терапия жүргізу кезінде қолданылатын дәрілік препараттарды енгізу тәсілдері, ағзаға әсер ету механизмі, шығару жолдары.
Машықтар
1. Сәулелік терапия процесінде пациенттерге үздіксіз мониторинг жүргізу.
2. Сәулелік емдеуден өткен онкологиялық науқастарға динамикалық бақылау жүргізу.
3. Паллиативтік немесе симптоматикалық ем алатын пациенттерді Паллиативтік көмек көрсету орталықтарына, хоспистерге жіберу.
4. Медициналық көмек көрсетудің стационарлық және амбулаторлық кезеңдері арасындағы бақылаудың сабақтастығын жүзеге асыру.
Білімдер
1. Радиациялық онкологиядағы клиникалық топтар, бір топтан екінші топқа ауыстыру принципі.
2. Қатерлі ісіктері бар пациенттерді динамикалық бақылау (диспансерлеу).
Машықтар
1. Радиациялық онкологиядағы өмірге қауіп төндіретін шұғыл жағдайлар кезінде білікті медициналық көмек көрсету.
2. Жүрек-өкпе реанимациясын жүргізу дағдыларын меңгеру
3. Трахеостомия дағдыларын меңгеру.
Білімдер
1. Шұғыл жағдайларда медициналық көмек көрсетудің алгоритмдері, стандарттары, хаттамалары (Сафардың үш әдісі, жүрек-өкпе реанимациясы, тыныс алу жолдарын тазарту).
2. Сананың бұзылу түрлері және олардың белгілері (естің тұмандануы, естен тану, кома).
3. Клиникалық өлімнің негізгі белгілері
4. Радиациялық онкологиядағы жедел жағдайлар кезіндегі медициналық көмек көрсету этиологиясы, патогенезі, клиникасы, диагностикасы және алгоритмі:
жіті коронарлық синдром (тұрақсыз стенокардия, миокард инфарктісі);
жұлынның қысылуы;
мидың ісінуі;
өкпе артериясының тромбоэмболиясы;
гиперкальциемия;
ісіктің ыдырау синдромы;
жоғарғы қуыс венаның қысылу синдромы;
өкпеден қан кету;
тыныс алу жолдарының жіті обструкциясы;
кардиогенді шок;
гиповолемиялық шок;
анафилактикалық шок;
инфекциялық-уытты шок;
ми қан айналымының жіті бұзылуы;
кома (гипогликемиялық, кетоацидоздық, гипотиреоздық).

Машықтар
1. Өмірдің әртүрлі салаларында қауіпсіздік пен гигиенаны қамтамасыз ету бойынша санитарлық талаптар, ережелер мен нұсқаулықтар туралы хабардар ету: тамақтану, су, санитарлық жағдай, тұрмыстық жағдай, жеке гигиена, сондай-ақ антибиотиктерді тиісті көрсеткіштерсіз қолдануға байланысты қауіптер.
2. Пациенттерді және олардың заңды өкілдерін ұлттық, халықаралық хаттамалар мен ұсыныстарға сәйкес вакциналар туралы, олардың маңыздылығы, пайдасы мен ықтимал қауіптері туралы ақпаратпен қамтамасыз ету.
3. Тұрақты медициналық тексерулер мен скринингтік бағдарламалар туралы хабардар ету.
4. Денсаулықты сақтау, нығайту, санитарлық-гигиеналық мәдениетті арттыру мақсатында санитарлық-гигиеналық дағдыларды үйрету: гигиена мен қауіпсіздікті қамтамасыз етуді, оның ішінде стандартты сақтық шараларын (қол гигиенасы, жөтел этикеті, жеке қорғаныс құралдары, қауіпсіз инъекция практикасы, қалдықтарды басқару, дезинфекциялау және зарарсыздандыру) тамақ өнімдерінің қауіпсіздігін, инфекциялардың алдын-алуды.
5. Салауатты өмір салтын, рационалды және дұрыс тамақтануды, дене шынықтырудың маңыздылығын, зиянды әдеттерден бас тартуды, психологиялық жай-күйді сақтауды насихаттау бойынша іс-шаралар ұйымдастыру және өткізу.
Білімдер
1. Аурулардың алғашқы белгілері, сондай-ақ зиянды және (немесе) қауіпті өндірістік факторлардың әсері, кәсіптік аурулардың даму қаупі бар топтарды қалыптастыру әдістері.
2. Тұрмыстағы және жұмыс ортасындағы санитарлық стандарттар мен сақтық, қауіпсіздік стандарттық шаралары.
3. Инфекциялардың алдын алу және жұқпалы аурулардың таралу әдістері.
4. Жеке гигиена, салауатты өмір салты қағидалары.

Машықтар
1. Пациентке немесе оның заңды өкіліне жағымсыз жаңалықтарды хабарлауды қоса алғанда, аурудың барысы, емі және болжамы туралы кеңес беру.
2. Пациентті және (немесе) оның заңды өкілдерін ұсынылатын диагностика мен емдеу әдістері, ықтимал асқынулар туралы хабардар етіп, ақпараттандырылған келісімін алу.
3. Пациентті немесе оның заңды өкілін олардың қалаулары, құндылықтары мен хабардарлық деңгейін ескере отырып, шешім қабылдау үдерісіне тарту.
4. Пациент немесе оның заңды өкілі саналы шешім қабылдауы үшін ақпараттың түсінікті және қолжетімді болуын қамтамасыз ете отырып, процедуралар мен технологияларды түсіндіру.
5. Емдеудің тиімділігін арттыру және пациенттің дәрігермен ынтымақтастығы үшін пациенттерге жанашырлық пен қолдау көрсету.
Білімдер
1. Пациентпен, оның туыстарымен немесе заңды өкілдерімен қарым-қатынас қағидаттары.
2. Пациентті емдеу әдістерін және медициналық мақсаттағы бұйымдарды таңдау туралы ақпараттандыруға байланысты этикалық, мәдени, діни, құқықтық аспектілер.
3. Пациент денсаулығының психологиялық-әлеуметтік аспектілері.
4. Заңнама талаптарын сақтай отырып, ақпараттандырылған келісімді рәсімдеу процесі.
5. Жанжалды жағдайлардағы өзара әрекеттесу қағидаттары.
Машықтар
1. Ересектердегі онкологиялық аурулар мәселелері бойынша медициналық-санитариялық алғашқы көмек (МСАК) және аралас мамандықтар дәрігерлеріне кеңес беру және біліктілік арттыруға қатысу.
2. Пациенттерге медициналық көмектің толық спектрін көрсету үшін басқа мамандармен және денсаулық сақтау қызметтерімен топтық жұмыс.
3. Үздіксіз медициналық көмекті және қажет болған жағдайда уақтылы араласуды қамтамасыз ету үшін денсаулық сақтау саласының басқа мамандарымен және қызметтерімен ақпарат алмасу.
4. Мультидисциплинарлық топтардың, консилиумдардың, клиникалық тексерулердің жұмысына қатысу.
5. Жұқпалы аурулардың таралуының алдын алу, вакцинация жүргізу және төтенше жағдайларға ден қою үшін қоғамдық ұйымдармен және денсаулық сақтау қызметтерімен ынтымақтастық жасау.
6. Пациенттерді одан әрі диагностикалау және емдеу үшін мамандарға немесе мамандандырылған денсаулық сақтау қызметтеріне жіберу.
Білімдер
1. Басқа мамандар мен қызметтердің диагностика, емдеу, оңалту мәселелері бойынша рөлі мен функциялары.
2. Медициналық практиканың технологиялары мен стандарттары.
3. Денсаулық сақтау мамандарымен және қызметтерімен тиімді қарым-қатынас жасау қағидаттары.

Машықтар
1. Медициналық құжаттаманы уәкілетті орган белгілеген нысандар, түрлер, көлем, тәртіп және мерзімдер бойынша ресімдеу.
2. Медициналық құжаттаманы талаптарға сәйкес ұйымдастыру және сақтау.
3. Дербес деректерді қорғауға және медициналық ақпараттың қауіпсіздігін қамтамасыз етуге қатысты нормалар мен қағидаларды сақтай отырып, медициналық ақпаратты, құпия түрде өңдеу.
4. Кәсіби қызметте денсаулық сақтау саласындағы ақпараттық жүйелерді пайдалану.
Білімдер
1. "Радиациялық онкология" бейіні бойынша медициналық көмек көрсететін медициналық ұйымдарда медициналық есеп құжаттамасын, оның ішінде электрондық құжат нысанында да, ресімдеу қағидалары.
2. Қатерлі ісіктері бар науқастар мен аурулар туралы есеп нысанын ресімдеу қағидалары.
3. Бастапқы медициналық құжаттаманы жүргізуді ресімдеу және есеп тапсыру қағидалары.
4. Цифрлық есепке алу және құжаттау жүйелері.
5. Пациенттердің медициналық ақпаратының құпиялылығы.

Машықтар
1. Зерттеу сұрақтарын тұжырымдау, гипотезалар әзірлеу, деректер жинау және талдау, статистикалық талдаулар жүргізу және зерттеу нәтижелерінен қорытынды шығару.
2. Зерттеуге қатысатын пациенттерге қатысты әділдік, ақпараттандырылған келісім, құпиялылық және құқықтары мен әл-ауқатын қорғау қағидаттарын сақтау.
3. Әдебиеттерді іздеу және талдау жасау, зерттеу деректеріне сыни баға беру.
4. Зерттеудің жоспары мен дизайнын, әдістемені таңдауды, қосу және алып тастау критерийлерін анықтауды, хаттаманы және деректерді жинау схемасын әзірлеуді қоса алғанда, зерттеуді жобалау дағдыларын меңгеру.
5. Зерттеу нәтижелерін жазбаша түрде ұсыну және ғылыми журналдарда мақалалар жариялау.
6. Қатысушылардың ақпараттандырылған келісімін алуды және құқықтарын қорғауды қоса алғанда, зерттеулерді жүргізуге қатысты этикалық қағидаттарды білу және сақтау.
7. Зерттеулер құжаттамасы. Хаттамаларды, есептерді, келісім нысандарын және нәтижелерді қоса алғанда, зерттеулердің толық құжаттамасын жүргізе білу.
8. Ғылыми конференцияларға қатысу. Ғылыми конференциялар мен симпозиумдарда, презентациялар мен постерлерді дайындауды қоса алғанда, зерттеу нәтижелерін ұсына білу.
9. Ғылыми ұжымдармен ынтымақтастық. Ғылыми жобалардың басқа қатысушыларымен, зерттеушілерді, статистерді және клиникалық мамандарды қоса алғанда, тиімді әрекеттесе білу.
Білімдер
1. Ғылыми әдіс және ғылыми зерттеу негіздері.
2. Адамдарды зерттеулермен байланысты этикалық қағидаттар, реттеуші нормалар мен рәсімдер.
3. Статистикалық әдістер, деректерді өңдеу тәсілдері және нәтижелердің статистикалық маңыздылығын бағалау.
Машықтар
1. Кәсіби оқыту іс-шараларына қатысу: конференциялар, семинарлар, вебинарлар.
2. Тұлғалық дағдыларды жаттықтыру: көшбасшылық, топтық жұмыс, эмпатия және бейімделу, бастамашылдық және алға қойған мақсаттарға жету жауапкершілігі.
3. Уақытты және стресті басқару дағдыларын дамыту.
Білімдер
1. Денсаулық сақтау саласындағы мамандарға қосымша және формальды емес білім беру және денсаулық сақтау саласындағы қосымша және формальды емес білім берудің білім беру бағдарламаларын іске асыратын ұйымдарға қойылатын біліктілік талаптары қағидалары. Сондай-ақ, денсаулық сақтау саласындағы мамандардың қосымша және формальды емес білім арқылы алған оқыту нәтижелерін тану қағидалары.
2. Желілік өзара байланыс және өз кәсіби саласындағы әріптестерімен қарым-қатынас жасау мүмкіндіктері.
3. Радиациялық онкология және радиациялық терапия саласындағы қолжетімді білім беру платформаларын, курстарын және біліктілікті көтеру бағдарламаларын білу.
4. Мамандандырылған саладағы ағымдағы үрдістер, зерттеулер мен әзірлемелер.