Жоғары білімнің білім беру бағдарламаларын әзірлеу кезінде кәсіптік стандарттарды қолдану

2024 жылғы 12 наурызда Ұлттық кәсіптік біліктілік органы Жоғары білімнің білім беру бағдарламаларын әзірлеу кезінде кәсіптік стандарттарды қолдану мәселелерін қарады.

Іс – шараға 80-нен астам адам – ҚР Ғылым және жоғары білім министрлігінің, Жоғары білім беруді дамыту Ұлттық Орталығының, жоғары білім беру ұйымдары оқу-әдістемелік бірлестіктерінің (бұдан әрі-ОӘБ) өкілдері, жоо-ры және тәуелсіз сарапшылар қатысты.

Кеңесте мемлекеттік органдар әзірлейтін кәсіптік стандарттардың сапасы, сұранысқа ие мамандықтар бойынша жаңа кәсіптік стандарттарын әзірлеу, сондай-ақ білім беру бағдарламаларын әзірлеуде кәсіптік стандарттарды қолдану мәселелері көтерілді.

Әзірленетін кәсіптік стандарттардың сапасын қамтамасыз ету мақсатында кәсіптік біліктілік жөніндегі Ұлттық кеңес бейінді министрліктер жанындағы салалық кеңестердің құрамына ОӘБ өкілдерін енгізу туралы шешім қабылдады.