Салалық біліктілік жүйесінің дамуы
2024 жылдың 1-4 сәуір аралығында Кәсіптік біліктілік жөніндегі ұлттық орган ҚР Цифрлық даму, инновациялар және аэроғарыш өнеркәсібі, Су ресурстары, Көлік, Қаржы және Ауыл шаруашылығы министрліктерімен салалық біліктілік жүйесін қалыптастыру және енгізу мәселелерін қарастыру үшін кездесу өткізді.
Министрліктердің өкілдеріне кездесу барысында жұмысшылардың жұмыстары мен кәсіптерінің бірыңғай тарифтік-біліктілік анықтамалығынан кәсіптердің толық талдауы ұсынылды, сонымен қатар Кәсіптік стандарттар қабылданбаған кәсіптер жайлы сөз қозғалды.
Кездесу соңында салалық біліктілік жүйесінде жүргізіліп жатқан жұмыстардың сапасын арттыру мақсатында Кәсіптік біліктілік жөніндегі ұлттық органның басшысы Ерасыл Жұманбаев аталған салада сұраныс бар мамандықтарды анықтап, жұмыс берушілермен тығыз байланыс орнату бойынша жүйелі мониторинг жүргізуді ұсынды.