Кіру

Мұнай және газ өндіру жөніндегі инженер

Кәсіптің сипаттамасы
2147-2-001
Мұнай және газ өндіру жөніндегі инженер
Кәсіптік стандарт
Кәсіптік стандарттың паспорты
Басқа кәсіптермен байланыс
Кәсіптер картасы
Тану ережелері
Кәсіптер тізілімі
Сипаттама
Негізгі мақсат
Мұнай және газ өндіру бойынша үздіксіз жұмысты қамтамасыз ету
Жеке құзыреттерге қойылатын талаптар
  • Көшбасшылық қасиеттер
  • Жүйелік және аналитикалық ойлау
  • Стресске төзімділік, жауапкершілік
  • Теориялық және практикалық білімді қолдана отырып, кәсіби мәселелерді өз бетімен шешу
  • Еңбекті ұтымды ұйымдастыру
Жұмыс тәжірибесіне қойылатын талаптар
  • мұнай және газ өндіру жөніндегі І санаттағы инженер: тиісті мамандық бойынша жоғары (немесе жоғары оқу орнынан кейінгі) білім және ұңғымаларды құю жөніндегі ІІ санаттағы инженер лауазымындағы жұмыс өтілі кемінде 2 жыл; мұнай және газ өндіру жөніндегі ІІ санаттағы инженер: тиісті мамандық бойынша жоғары (немесе жоғары оқу орнынан кейінгі) білім және мұнай және газ өндіру жөніндегі санаты жоқ инженері лауазымындағы жұмыс өтілі кемінде 3 жыл; мұнай және газ өндіру жөніндегі санаты жоқ инженер: тиісті мамандық бойынша жоғары (немесе жоғары оқу орнынан кейінгі) білім және мұнай және газ өндірудегі жұмыс өтілі кемінде 3 жыл немесе тиісті мамандық (біліктілік) бойынша орта техникалық және кәсіби (орта арнайы, орта кәсіби) білім және І санаттағы техник лауазымындағы жұмыс өтілі кемінде 3 жыл.
Басқа кәсіптермен байланыс
3 СБШ-нің деңгейі
Компрессорлық қондырғылар машинисті (көмекші)
Толығырақ
3 СБШ-нің деңгейі
Мұнай және газ өндіру жөніндегі оператор
Толығырақ
6 СБШ-нің деңгейі
Цех (учаске) бастығы
Толығырақ
6 СБШ-нің деңгейі
Ұңғымалардың тұтастығын қамтамасыз ету жөніндегі инженер
Толығырақ
5 СБШ-нің деңгейі
Мұнай, газ және конденсат өндіру жөніндегі мастер
Толығырақ
3 СБШ-нің деңгейі
Мұнай және газ өндірудегі басқару пультінің операторы
Толығырақ
Деңгей 6
жоғары білім (бакалавриат, маман дәрежесі, ординатура) , 6B072 Өндірістік және өңдеу салалары

Машықтар
1. Мұнай-газ өндіру жабдықтарын және пайдалану ұңғымаларын белгіленген технологиялық режимдерге сәйкес ұйымдастыру;
2. Көмірсутек кен орындары мен учаскелерінде жұмыстардың технологиялық сұлбаларын құрастыру;
3. Пайдалану нысандарын, ұңғымалар торларының орналасу жүйелерін және тығыздығын, қабатқа әсер ету әдістері мен агенттерін, пайдалану режимдері мен тәсілдерін, мұнай қайтарымын арттыру және ұңғыма дебитін интенсификациялау әдістерінің түрі мен көлемін таңдауға байланысты есептеулер жүргізу;
4. Бекітілген технологиялық режимдерден ауытқулардың себептерін жою бойынша жедел шаралар қабылдау;
5. Ұңғымаларды ағымдағы жөндеу сапасын, жаңа техниканы сынауды, мұнай жинау жүйесін, мұнай-газ өндіру технологиясын және парафинсіздендіру әдістерін жетілдіруді қамтамасыз ету;
6. Қолданыстағы ұңғымалар қоры жұмысының салыстырмалы талдауын жүргізу;
7. Эксперименттер мен бақылау нәтижелерін өңдеу және талдау.
Білімдер
1. Қазақстан Республикасының мұнай және газ өндіру, жинау техникасы мен технологиясына қатысты нормативтік құқықтық актілері, әдістемелік және нормативтік-техникалық материалдары;
2. Мұнай және газ кен орындарын пайдалану ережелері, ұңғымаларды жерасты және күрделі жөндеу техникасы мен технологиясы;
3. Ұңғымалар бұрғылау технологиясы;
4. Өндірістік геология негіздері.
Машықтар
1. Өндірістік нысандарды химиялық реагенттермен (деэмульгаторлар, диспергаторлар және тұз тұнбаларына, коррозияға қарсы басқа да ингибиторлық қорғау құралдары) қамтамасыз етуге қатысу;
2. Мұнай және газ өндіру бригадаларын қажетті техникалық, технологиялық және басқа да құжаттамалармен уақтылы қамтамасыз етуді ұйымдастыру;
3. Технологиялық режимдердің өзгеруіне және түзетілуіне байланысты техникалық құжаттамаға өзгерістер енгізу;
4. Жерасты ресурстары учаскесінде жұмыстар жүргізу, жобалау және абаттандыру нысандарын салу құқығына рұқсат құжаттарын уақтылы рәсімдеуге арналған материалдарды дайындау;
5. Материалдарды ұтымды пайдалануды қамтамасыз ету;
6. Бекітілген регламентке сәйкес кезекшілікті (вахтаны) қабылдау және тапсыру.
Білімдер
1. Өндірісті жедел есепке алуды ұйымдастыру;
2. Мұнай және газ-мұнай кен орындарын игеру бойынша жобалық және технологиялық құжаттаманы қарау және келісу тәртібі;
3. Экономика, өндірісті, еңбекті және басқаруды ұйымдастыру негіздері;
4. Заңнаманың негіздері.
Машықтар
1. Мұнай-газ өндіру нысандарын паспорттау жұмыстарын жүргізу;
2. Пайдалану ұңғымаларындағы апаттар есебін жүргізу;
3. Қызметкерлерді еңбек қауіпсіздігінің әдістері мен тәсілдеріне оқыту;
4. Өндіріс тиімділігі мен мәдениетін арттыру, еңбек қауіпсіздігін қамтамасыз ету, қоршаған ортаны қорғау, материалдар, отын және электр энергиясын тұтынудың техникалық негізделген нормаларын әзірлеу бойынша іс-шараларды әзірлеу мен енгізуге қатысу;
5. Апат себептерін талдау және олардың алдын алу мен жою шараларын әзірлеуге қатысу;
6. Белгіленген тәртіпке сәйкес жұмыс орнында бастапқы, қайталап және жоспардан тыс нұсқаулықтарды өткізу.
Білімдер
1. Мұнай-газ өндіру нысандарында техникалық ақаулардың, апаттардың, күрделі жағдайлардың пайда болу шарттары, оларды болдырмау және жою тәсілдері;
2. Еңбек қауіпсіздігі мен еңбекті қорғау, өрт қауіпсіздігі бойынша ережелер мен нормалар.

Машықтар
1. Геологиялық-техникалық іс-шараларды әзірлеуге қатысу;
2. Пайдалану ұңғымалары мен басқа да өндірістік нысандардың технологиялық режимдерін әзірлеуге қатысу;
3. Мұнай мен газ өндірудің ағымдағы және болашақтағы жоспарларын әзірлеуге қатысу;
4. Өндірістік нысандарды күзгі-қысқы кезеңге дайындау жөніндегі іс-шараларды әзірлеуге қатысу;
5. Шикізат ресурстарын барынша толық әрі қосымша өндіруге қол жеткізу бойынша шаралар қабылдау.
Білімдер
1. Мұнай және газ өндіру саласындағы озық тәжірибе;
2. Мұнай-газ өндіруді қамтамасыз ететін бөлімшелердің мамандануы;
3. Мұнай және газ кен орындарының технологиялық көрсеткіштерін болжау әдістері;
4. Пайдаланудың әртүрлі тәсілдері кезінде ұңғымаларды зерттеу, игеру процестерін жобалау және реттеу әдістері;
5. Ұңғымалар өнімін алу және дайындауға арналған техникалық құрылғылар, аппараттар мен жабдықтар;
6. Мұнай, газ және газконденсат кен орындарын игеру және пайдалану технологиясы;
7. Кен орындарын игеру бойынша жобалық және технологиялық құжаттаманы құрастыру ережелері.