2026 жылғы 9 қыркүйекте «Еңбек ресурстарын дамыту орталығы» АҚ-да Қазақстан Республикасы Ғылым және жоғары білім министрлігінің «Мамандығым – болашағым» жобалық кеңсесі өкілдерімен жұмыс кездесуі өтті.
Кездесу барысында Ұлттық біліктілік жүйесінің құралдарын пайдалана отырып, кадрлар даярлау жүйесі мен еңбек нарығының өзекті қажеттіліктері арасындағы өзара байланысты күшейту мәселелері талқыланды.
Білім беру бағдарламаларын әзірлеу кезінде кәсіптік стандарттарды қолдануға ерекше назар аударылды. Бұл мамандарды даярлау процесінің жұмыс берушілердің білім мен дағдыларға қойылатын өзекті талаптарына сәйкестігін қамтамасыз етуге мүмкіндік береді.
Сонымен қатар, жаңа кәсіптердің Өңірлік карталары қарастырылды. Жаңа және трансформацияланатын кәсіптерді салалық кеңестердің қатысуымен салалық бөліністе қарастыру ұсынылды.
Бұдан бөлек, жоғары және жоғары оқу орнынан кейінгі білім беру ұйымдарындағы құзыреттер орталықтары мен кәсіптік біліктіліктерді тану орталықтарының өзара әрекеттесу мүмкіндіктері талқыланды. Атап айтқанда, білім беру ұйымдарының кәсіптік біліктіліктерді тану нәтижелерін ескеру мәселесіне назар аударылды.
Кездесу қорытындысы бойынша тараптар кадрлар даярлау жүйесін еңбек нарығының қажеттіліктерімен үндестіру және кәсіптік біліктілік жүйесін дамыту бағытындағы бірлескен жұмысты жалғастыруға уағдаласты.
