Кәсіптік біліктілік жөніндегі ұлттық орган Ұлттық біліктілік жүйесін дамыту шеңберінде EMPL ESCO, ETF – Франческо Лосапиио, Валентина Грганович, Арьен Дей, Анатолий Гармаш хатшылығымен жұмыс кездесуін өткізді.

Кездесуде Еуропалық дағдылар, құзырет, кәсіптер жіктеуіші (бұдан әрі - ESCO) жүйесін әзірлеу және қолдау үшін пайдаланылатын әдіснамаға байланысты мәселелер талқыланды.

Қатысушылар ESCO-дағы түрлі топтар арасында «дағдылар» мен «білімді» бөлу тәсілдері мен әдістері, нақты кәсіптер бойынша «машықтар» пен «білімді» бөлу өлшемдері мен қағидаттарымен, сондай-ақ ESCO жіктеу жүйесін әзірлеуді, қызмет көрсетуді және пайдалануды қолдайтын IТ-бизнес процестерімен танысу мүмкіндігіне ие болды.

Семинар барысында қатысушылар өзара пікір алмасып, кәсіптер үшін бастапқы және қайталама дағдылар мен білімді анықтау әдістемесін, ESCO-дағы «дағдылар» мен «білім» элементтерін жаңарту және тексеру тетігі мен алгоритмін талқылады.